2026 جىلدىڭ كوكتەمىندە امەريكاندىق اسكەريلەر تاياۋ شىعىستاعى قىتايلىق جۇك كەمەسىنە قارسى وپەراسيا باستاي جازدادى. سەبەبى — كەمە جۇگىن قىتايدىڭ يادرولىق باعدارلاماسىمەن بايلانىستىرعان قاتە بارلاۋ ەسەبى، دەپ حابارلايدى infohub.kz سايتى.
NUR.KZء-تىڭ Bild-گە سىلتەمە جاساپ حابارلاۋىنشا، وپەراسياعا دايىندىققا كەمە قىتايدىڭ يادرولىق باعدارلاماسىنا ارنالعان قۇرامداس بولىكتەردى تاسىمالدايدى دەگەن قۇجات تۇرتكى بولعان. اسكەريلەر كەمەنى باسىپ الۋعا دايىندالىپ، امەريكاندىق ۇشاقتار اۋەدە بولعان.
كوپ ۇزاماي اقپاراتتىڭ جالعان ەكەنى انىقتالدى. گاۆاييدەگى امەريكاندىق ارنايى وپەراسيالار قولباسشىلىعىنىڭ ءبىر تالداۋشىسى كەمەنىڭ جۇك مانيفەستىن تالداۋ ءۇشىن چات-بوت قولدانعان. جاساندى ينتەللەكت اشىق دەرەكتەردى راديو- جانە ينتەرنەت-ترافيكتى ۇستاۋ كەزىندە الىنعان قۇپيا اقپاراتپەن بىرىكتىرگەن، ءبىراق جۇكتى دۇرىس انىقتاماعان.
سودان كەيىن تالداۋشى قايتادان جي كومەگىنە جۇگىنگەن — بۇل جولى ناتيجەلەردى بارلاۋ ەسەبىنىڭ ستاندارتتى فورماتىنا كەلتىرۋ ءۇشىن. قۇجات اسكەري قۇرىلىمداردىڭ ىشىندە تاراتىلىپ، قاتە وپەراسيا باستالعانشا دەرلىك بايقالماي قالدى.
امەريكاندىق قورعانىس مينيسترلىگى ناقتى وقيعانى تۇسىندىرۋدەن باس تارتىپ، وپەراتيۆتىك قاۋىپسىزدىك ماسەلەلەرىنە سىلتەمە جاسادى، ءبىراق بارلاۋ اقپاراتى مۇقيات تەكسەرىلەتىنىن مالىمدەدى.