6 قىركۇيەك كەشكە قازاقستان اۋماعىندا جەر سىلكىنىسى تىركەلدى. جەر استى دۇمپۋلەرىن شىعىس قازاقستان وبلىسىنىڭ تۇرعىندارى سەزىندى، دەپ حابارلايدى infohub.kz سايتى.
قازاقستان رەسپۋبليكاسى توتەنشە جاعدايلار مينيسترلىگىنىڭ مالىمەتىنشە، جەر سىلكىنىسى «ۇعسوو» ج ش س سەيسميكالىق ستانسيالار جەلىسىمەن استانا ۋاقىتىمەن 23:08-دە تىركەلگەن.
ەپيسەنتر الماتىدان سولتۇستىك-شىعىسقا قاراي 875 شاقىرىم جەردە ورنالاسقان. ونىڭ كوورديناتتارى — سولتۇستىك ەندىكتىڭ 49،167 گرادۋسى جانە شىعىس بويلىقتىڭ 84،417 گرادۋسى.
شىعىس قازاقستان وبلىسىنىڭ ۇلكەن نارىن اۋىلىنداعى جەر استى دۇمپۋلەرىنىڭ ەسەپتىك قارقىندىلىعى ەكى باللدى قۇرادى. زارداپ شەككەندەر مەن قيراعان نىساندار تۋرالى اقپارات تۇسكەن جوق.
تجم قازاقستاندىقتارعا جەر سىلكىنىسى كەزىندەگى نەگىزگى مىنەز-ق ۇلىق ەرەجەلەرىن ەسكە سالدى:
سابىرلىق ساقتاپ، ۇرەيگە بەرىلمەۋ.
ءدۇمپۋ كەزىندە ليفت پەن باسپالداقتى پايدالانباۋ.
تەرەزەلەردەن، شامداردان جانە اۋىر جيھازداردان الىس تۇرۋ.
سەنىمدى باسپانا تابۋ. جوعارعى قاباتتاردا كۇردەلى جۇك كوتەرگىش قابىرعالاردىڭ جانىنداعى بۇرىشتى تاڭداۋ ۇسىنىلادى.
ءدۇمپۋ توقتاعاننان كەيىن عيماراتتان شىعۋ.
مۇمكىندىگىنشە سۋدى، گازدى جانە ەلەكتر قۋاتىن ءوشىرۋ.
الدىن الا دايىندالعان دابىل چەمودانىن الۋ.
كوشەدە عيماراتتاردان، اعاشتاردان جانە ەلەكتر جەلىلەرىنەن الىس تۇرۋ.
قايتالاناتىن دۇمپۋلەرگە دايىن بولۋ.
قارت ادامدارعا جانە مۇمكىندىگى شەكتەۋلى جاندارعا كومەكتەسۋ.