جەتىسۋ وبلىسىندا پروكۋراتۋرانىڭ ۇيلەستىرۋىمەن TikTok الەۋمەتتىك جەلىسىندە قۇمار كارتا ويىندارىن ۇيىمداستىرعان ءتورت ادامنان تۇراتىن قىلمىستىق توپتىڭ ارەكەتى توقتاتىلدى. ءىس فيگۋرانتتارىنىڭ اراسىندا كامەلەتكە تولماعان ادام دا بولدى، دەپ حابارلايدى infohub.kz سايتى.
تەرگەۋ دەرەكتەرىنە سايكەس، ءوڭىردىڭ ءتورت تۇرعىنى تانىمال TikTok پلاتفورماسىن قۇمار ويىنداردى تاراتۋ ءۇشىن پايدالانعان. تىكەلەي ەفيرلەردە ولار اقشاعا كارتا تۋرنيرلەرىن ۇيىمداستىرىپ، كورەرمەندەردى تارتىپ، ولاردان ستاۆكالار قابىلداعان.
كولەڭكەلى سحەما جۇمىس ىستەگەن ۋاقىتتا ۇيىمداستىرۋشىلار 95 ملن تەڭگە زاڭسىز تابىس تاپقان. قىلمىس جاسالعان كەزدە افەرانىڭ نەگىزگى قاتىسۋشىلارىنىڭ ءبىرى كامەلەتكە تولماعان.
سوت ءتورت قاتىسۋشىنىڭ بارلىعىن قازاقستان رەسپۋبليكاسى قىلمىستىق كودەكسىنىڭ 307-بابىنىڭ 3-بولىگىمەن («زاڭسىز ويىن بيزنەسىن ۇيىمداستىرۋ») كىنالى دەپ تانىدى.
ءاربىر فيگۋرانت قىلمىستىق جولمەن تابىلعان م ۇلىكتىك اكتيۆتەردى تاركىلەۋمەن 4 جىلعا باس بوستاندىعىنان ايىرىلدى. سوت شەشىمى ازىرگە زاڭدى كۇشىنە ەنگەن جوق جانە شاعىمدانۋعا بولادى.
قاداعالاۋ ورگانى جەتىسۋ وبلىسى اۋماعىندا ينتەرنەتتە جانە الەۋمەتتىك جەلىلەردە زاڭسىز ويىن بيزنەسىن جويۋ جۇمىستارى جالعاسىپ جاتقانىن اتاپ ءوتتى.