جەزقازعاندا ءتورت كامەلەتكە تولماعان بالا وتىرعان BMW ەلەكتر جەلىسىنىڭ تىرەگىنە سوعىلدى. جول-كولىك وقيعاسى سالدارىنان ءبىر ءجاسوسپىرىم قازا تاۋىپ، تاعى ەكەۋى جاراقات الدى، دەپ حابارلايدى infohub.kz سايتى.
اپات شولوحوۆ كوشەسىندە بولدى. الدىن الا مالىمەتتەرگە قاراعاندا، جۇرگىزۋشى كولىك باسقارۋدان ايىرىلعان.
جكو كەزىندە BMW ىشىندە ءتورت ءجاسوسپىرىم بولعان: 17 جاستاعى جىگىت، ەكى 16 جاستاعى جولاۋشى جانە 13 جاستاعى بالا. العان جاراقاتتارىنان 13 جاستاعى وقۋشى جەدەل جاردەم كەلگەنگە دەيىن قازا تاپتى.
سوققى سونشالىقتى كۇشتى بولعانى سونشا، قازا تاپقان بالانىڭ دەنەسى كولىك ىشىندە قىسىلىپ قالعان. مارقۇمدى شىعارۋ ءۇشىن توتەنشە قىزمەتتەر تارتىلدى. وقيعا ورنىنا توتەنشە جاعدايلار دەپارتامەنتىنىڭ 9 قىزمەتكەرى جانە 2 بىرلىك ارنايى تەحنيكا باردى. قۇتقارۋشىلار دەنەنى بوساتۋ ءۇشىن گيدراۆليكالىق قۇرال قولداندى.
جاراقاتتارىنىڭ اۋىرلىعى ءارتۇرلى ەكى ءجاسوسپىرىم جەدەل تۇردە اۋرۋحاناعا جات قىزىلدى.
جكو فاكتىسى بويىنشا تەرگەۋ باستالدى. قۇقىق قورعاۋ ورگاندارى بولعان وقيعانىڭ بارلىق ءمان-جايىن انىقتاپ، كولىك كىمگە تيەسىلى ەكەنىن جانە جاسوسپىرىمدەردىڭ كولىك ىشىنە قالاي تاپ بولعانىن انىقتاۋدا.