ۇلىتاۋ وبلىسىنىڭ ورتالىعى جەزقازعان قالاسىندا اۋقىمدى جاڭعىرتۋدان كەيىن تەمىرجول ۆوكزالى سالتاناتتى تۇردە اشىلدى، دەپ حابارلايدى infohub.kz سايتى.

اشىلۋ راسىمىنە ۇلىتاۋ وبلىسىنىڭ اكىمى ەسەت بايكەن، قازاقستان رەسپۋبليكاسى كولىك مينيسترلىگىنىڭ تەمىرجول جانە سۋ كولىگى كوميتەتىنىڭ ءتوراعاسى نۇرجان كەلبۋعانوۆ، «قازاقستان تەمىر جولى» ۇلتتىق كومپانياسى» اكسيونەرلىك قوعامىنىڭ وكىلدەرى، مەردىگەر ۇيىم جانە قالا تۇرعىندارى قاتىستى.

نۇرجان كەلبۋعانوۆ جەزقازعان ۆوكزالىن جاڭارتۋ مەملەكەت باسشىسىنىڭ تاپسىرماسىمەن 124 تەمىرجول ۆوكزالىن جاڭعىرتۋ مەن جاڭارتۋ جونىندەگى اۋقىمدى باعدارلاما اياسىندا جۇزەگە اسىرىلعانىن اتاپ ءوتتى.

جەزقازعان تەمىرجول ۆوكزالى 1941 جىلى سالىنعان. جاڭعىرتۋ ناتيجەسىندە ەكى قاباتتى عيماراتتىڭ اۋدانى 582 شارشى مەتردەن 2،5 مىڭ شارشى مەترگە ۇلعايىپ، نىساننىڭ فۋنكسيونالدىق مۇمكىندىكتەرىن ەداۋىر كەڭەيتۋگە جانە جولاۋشىلارعا قولايلى جاعداي جاساۋعا مۇمكىندىك بەردى.

جاڭعىرتۋ بارىسىندا جاڭا كوتەرگىش قاڭقا، قابىرعالار مەن جابىندار تۇرعىزىلىپ، شاتىر تولىعىمەن جاڭارتىلدى. سۋمەن جابدىقتاۋ، كارىز، جىلۋمەن جابدىقتاۋ، ەلەكترمەن جابدىقتاۋ جانە بايلانىس جۇيەلەرىن قوسا العاندا، سىرتقى جانە ىشكى ينجەنەرلىك جەلىلەردى تارتۋ بويىنشا كەشەندى جۇمىستار اتقارىلدى. ۆوكزال ورتالىق جىلىتۋ جۇيەسىنە قوسىلدى.

سونداي-اق عيماراتتىڭ قاسبەتى مەن ىشكى ءۇي-جايلارى تولىعىمەن جاڭارتىلدى. جاڭا تەرەزە بلوكتارى مەن ۆيتراجدار ورناتىلىپ، زاماناۋي توزۋعا ءتوزىمدى، ۇزاققا شىدايتىن جانە وڭاي جۋىلاتىن ارلەۋ ماتەريالدارى قولدانىلدى. ءۇي-جايلاردا اسپالى توبەلەر ورناتىلىپ، ەدەندەر كەراموگرانيت جانە كوممەرسيالىق لينولەۋممەن قاپتالدى.

جاڭعىرتۋ بارىسىندا اينالاداعى اۋماققا برۋسچاتكا توسەلىپ، قالقا مەن جولاۋشىلار پەررونى جاڭارتىلىپ، جاڭا قورشاۋلار، جيھاز جانە قاجەتتى جابدىقتار ورناتىلدى. جولاۋشىلاردىڭ قاۋىپسىزدىگىن قامتاماسىز ەتۋ ماقساتىندا ءورت قاۋىپسىزدىگى تالاپتارىنا سايكەس قوسىمشا ەۆاكۋاسيالىق جولدار جاسالىپ، جاڭا ەۆاكۋاسيالىق ەسىكتەر ورناتىلدى.

ۆوكزالدىڭ تاۋلىكتىك ورتاشا جولاۋشى اعىنى شامامەن 1 800 ادامدى قۇرايدى. ستانسيا ارقىلى جەزقازعاندى استانا، الماتى، پاۆلودار، قىزىلوردا جانە قاراعاندىمەن بايلانىستىراتىن 12 پويىز وتەدى.

ۆوكزالدى جاڭعىرتۋ جولاۋشىلارعا قىزمەت كورسەتۋ ساپاسىن ارتتىرىپ، ولارعا زاماناۋي ءارى قولايلى جاعداي جاساۋعا، سونداي-اق ۇلىتاۋ وبلىسىنىڭ كولىك ينفراقۇرىلىمىن ودان ءارى دامىتۋعا مۇمكىندىك بەرەدى. بۇعان دەيىن وڭىردە قاراجال، جاڭاارقا جانە قىزىلجار ستانسيالارىنداعى ۆوكزالداردى جاڭعىرتۋ اياقتالعان.

«قازاقستان تەمىر جولى» (قتج، «سامۇرىق-قازىنا» كومپانياسىنىڭ 100 پايىزدىق ەنشىلەس كاسىپورنى) تەمىرجول ۆوكزالدارىن جاڭعىرتۋعا جۇمساعان شىعىندارى ۇلتتىق ەكونوميكا مينيسترلىگىنىڭ تابيعي مونوپوليالاردى رەتتەۋ كوميتەتى ۇلتتىق كومپانيانىڭ تاريفتەردى كوتەرۋ جونىندەگى ءوتىنىمىن قاراۋ كەزىندە ەسكەرىلمەگەنىن قتج «كۋرسيۆكە» حابارلادى.

بۇعان دەيىن قتج ۆوكزالداردى جاڭعىرتۋعا 168 ملرد تەڭگە قارىز قاراجاتىن جۇمساۋدى جوسپارلاپ وتىرعانىن مالىمدەگەن. تاريفتەردى وزگەرتۋگە ءوتىنىم بەرۋ كەزىندە كومپانيا ۆوكزالداردى جاڭعىرتۋ جوبالارىنىڭ بارلىعى بويىنشا بانكتەرمەن شارتتار ۇسىنعان، ولاردىڭ كەيبىرى رەسەي يمپەرياسى كەزىندە سالىنعان. كولىك مينيسترلىگى ەلىمىزدەگى 124 ۆوكزالدا قتج قاراجاتى ەسەبىنەن جاڭعىرتۋ جۇرگىزىلەتىنىن حابارلاعان.