جۇپتىق سىنداعى قازاقستاننىڭ ءبىرىنشى راكەتكاسى جيبەك كۋلامباەۆا (الەمدەگى 136-ورىن) گامبۋرگتىڭ اشىق چەمپيوناتىندا ءساتتى ونەر كورسەتتى. ول لاتۆيالىق داريا سەمەنيستايامەن (204-ورىن) بىرىگىپ، نەمىس جۇبى تامارا كورپاچ (165-ورىن) پەن نوما نوا-اكۋگۋەنى (270-ورىن) 6:3، 6:3 ەسەبىمەن جەڭدى، دەپ حابارلايدى infohub.kz.
26 جاستاعى كۋلامباەۆا جانكۇيەرلەردى قۋانتۋدى جالعاستىرۋدا. وتكەن اپتادا ول ارمەنيا اتىنان ونەر كورسەتەتىن بۇرىنعى رەسەيلىك الينا چاراەۆامەن بىرىگىپ، ياسستاعى WTA-250 ءتۋرنيرىنىڭ فينالىنا شىقتى. وندا چەمپيوندىق تاي-برەيكتە چەح-رەسەيلىك اناستاسيا دەسيۋك پەن يرينا حروماچەۆا جۇبىنا 6:4، 2:6، 5:10 ەسەبىمەن ەسە جىبەردى.
رۋمىنيادان گەرمانياعا كوشىپ، سەرىكتەسىن اۋىستىرعان قازاقستاندىق تەننيسشى MSC Hamburg Ladies Open تۋرنيرىندە ءساتتى ستارت الدى. ماچتى قىزدىرماي باستاعان قازاق-لاتۆيالىق جۇپ ءبىرىنشى سەتتە باسىمدىق تانىتتى — 3:0، 5:1. سەگىزىنشى گەيمدە نەمىس قىزدارى ءبىر برەيكتى قايتارىپ العانىمەن، ونى راستاي المادى — 3:6.
ەكىنشى پارتيانىڭ ءتورتىنشى گەيمىندە جيبەك پەن داريا قارا ءناسىلدى نەمىس قىزى نوا-اكۋگۋەنىڭ پوداچاسىن الدى — 3:1. كەلەسى گەيمدە سەمەنيستايانىڭ پوداچاسىندا ەسەپ 40:40 بولعان كەزدە كۋلامباەۆا تور الدىنداعى كۇشتى سوققىمەن برەيكتى راستادى — 4:1.
التىنشى گەيمدە الماتىلىق پەن ريجالىق ءۇش جاسىرىن ماچبولدى جىبەرىپ الىپ، قارسىلاستارعا 40:0 ەسەبىنەن قايتا ورالۋعا مۇمكىندىك بەردى. دەگەنمەن، ناعىز ماچبولدار كەلگەندە جيبەك پەن سەرىكتەسى سەنىمدى تۇردە ءوز باسىمدىقتارىن كورسەتتى. 6:3، 6:3 — 1 ساعات 15 مينۋت. 58:45 — بارلىق ۇتىپ الىنعان ۇپايلار.
شيرەك فينالدا كۋلامباەۆا مەن سەمەنيستايا تاعى ءبىر مونوۇلتتىق جۇپپەن كەزدەسەدى. گامبۋرگتە ەكىنشى نومىردە تۇقىم سەبىلگەن مىقتى چەح قىزدارى دجەسيكا مالەچكوۆا (54-ورىن) مەن ميريام سكوح (53-ورىن) العاشقى كەزدەسۋدە رۋمىنيالىق يرينا بارۋدى (192-ورىن) جانە شۆەيساريالىق نايما كاراموكونى (95-ورىن) 2:6، 6:0، 10:3 ەسەبىمەن ۇتتى.
قازاقستاندىق يۋليا پۋتينسەۆا (79-ورىن) بۇگىن كەشكە ارمەنيادان كەلگەن ەلينا اۆانەسيانمەن (208-ورىن) شيرەك فينالعا شىعۋ ءۇشىن سىنعا تۇسەدى.
MSC Hamburg Ladies Open، گامبۋرگتىڭ توپىراق كورتتارداعى اشىق چەمپيوناتى، قازىرگى كۇيىندە 1982 جىلدان بەرى وتكىزىلىپ كەلەدى. ول WTA-250 ساناتىنداعى تۋرنيرلەرگە جاتادى. بيىلعى جۇلدە قورى — 283،5 مىڭ دوللار.
بۇل ءتۋرنيردى ءوز ۋاقىتىندا شتەففي گراف التى رەت، ارانتا سانچەس ۆيكاريو ءۇش رەت ۇتىپ الدى. مارتينا حينگيس پەن ۆينۋس ۋيليامس ەكى رەتتەن باس جۇلدەنى جەڭىپ الدى. جۇپتىق سىندا جەڭىمپازدار اراسىندا — الماتىلىق ەلەنا ليحوۆسەۆا، مارتينا ناۆراتيلوۆا، اننا كۋرنيكوۆا، يانا نوۆوتنى، مەري پيرس. 2023 جىلى مۇندا اننا دانيلينا (قازاقستان) مەن الەكساندرا پانوۆا (رەسەي) جۇبى جەڭىسكە جەتتى.