اقمولا وبلىسىندا جول-كولىك وقيعاسى بولىپ، سالدارىنان جول توسەمىنە 23 توننا پياز توگىلدى. وقيعا جاقسى — ەسىل — بۇزۋلىق اۆتوجولىنىڭ تەمىرجول وتكەلىندە بولعان. وندا Volvo جۇك كولىگى مەن لوكوموتيۆ سوقتىعىسقان، دەپ حابارلايدى infohub.kz سايتى.
الدىن الا مالىمەتتەرگە سايكەس، جۇك كولىگىنىڭ جۇرگىزۋشىسى باعدارشامنىڭ تىيىم سالۋشى سيگنالىن ەلەمەي، وتكەلگە شىعىپ، لوكوموتيۆپەن سوقتىعىسقان. باقىتىمىزعا وراي، اپات سالدارىنان ەشكىم زارداپ شەككەن جوق. الايدا تاسىمالداناتىن جۇك — شامامەن 23 توننا پياز — جولعا توگىلىپ، كولىك قوزعالىسىنا ەلەۋلى كەدەرگى كەلتىرگەن.
پوليسيا قىزمەتكەرلەرى وقيعا ورنىنا جەدەل جەتىپ، جول قوزعالىسىن رەتتەپ، قاتىسۋشىلاردىڭ قاۋىپسىزدىگىن قامتاماسىز ەتكەن. ولار جكو سالدارىن تولىق جويعانعا دەيىن وقيعا ورنىندا بولىپ، جول توسەمىنە توگىلگەن پيازدى جيناۋعا كومەكتەسكەن. قاجەتتى جۇمىستار جۇرگىزىلگەننەن كەيىن اتالعان ۋچاسكەدە قوزعالىس تولىق قالپىنا كەلتىرىلگەن.
جكو فاكتىسى بويىنشا تەكسەرۋ جۇرگىزىلىپ، جۇك كولىگىنىڭ جۇرگىزۋشىسى جول قوزعالىسى ەرەجەلەرىن بۇزعانى ءۇشىن اكىمشىلىك جاۋاپكەرشىلىككە تارتىلعان.