قازاقستان رەسپۋبليكاسىنىڭ جوعارى اۋديتورلىق پالاتاسى قورعانىس مينيسترلىگىنىڭ قىزمەتىنە مەملەكەتتىك اۋديت جۇرگىزۋدى باستادى. تەكسەرۋدىڭ باستالعانى تۋرالى ۆەدومستۆو ءوزىنىڭ Telegram-ارناسىندا حابارلادى، دەپ جازادى infohub.kz سايتى.
اۋديت بيۋدجەت قاراجاتىنىڭ ءتيىمدى پايدالانىلۋىن، سونداي-اق اسكەري بولىمشەلەردى ماتەريالدىق-تەحنيكالىق قامتاماسىز ەتۋ ماسەلەلەرىن قامتيدى.
ەسكە سالايىق، ماڭعىستاۋ وبلىسىندا اسكەري قىزمەتشىلەردىڭ قازا تابۋىنان كەيىن قازاقستان پرەزيدەنتى قاسىم-جومارت توقايەۆ قورعانىس مينيسترلىگىندەگى ىستەردىڭ جاي-كۇيىن كەشەندى تەكسەرۋ جونىندەگى كوميسسيا قۇرۋ تۋرالى وكىمگە قول قويعان بولاتىن.
سونىمەن قاتار ۆەدومستۆو باسشىلىعىندا كادرلىق وزگەرىستەر بولدى. داۋرەن قوسانوۆ قازاقستان رەسپۋبليكاسىنىڭ قورعانىس ءمينيسترى قىزمەتىنەن بوساتىلدى. ونىڭ ورنىنا ايدوس مىرزاحمەتوۆ تاعايىندالدى.
قايعىلى وقيعا 24 قىركۇيەكتە وقۋ-جاۋىنگەرلىك تاپسىرمانى ورىنداۋ بارىسىندا بولدى: اۋا رايىنىڭ كەنەتتەن ناشارلاۋى مەن ەكپىندى جەلدىڭ سالدارىنان كاسپي تەڭىزىنە 17 اسكەري قىزمەتشى اعىپ كەتتى، ولاردىڭ 14ء-ى قازا تاپتى.
ۇشەۋى قۇتقارىلدى، بىرەۋى اۋرۋحاناعا جات قىزىلدى. كۇنى بۇرىن وبلىستىق دەنساۋلىق ساقتاۋ باسقارماسى پاسيەنت ماڭعىستاۋ وبلىستىق كوپبەيىندى اۋرۋحاناسىنا جەتكىزىلگەنىن حابارلاعان. اسكەري قىزمەتشىنىڭ جاعدايى تۇراقتى اۋىر دەپ باعالانعان.
امان قالعانداردىڭ اراسىندا اتىراۋ وبلىسىنان 19 جاستاعى بەكەت قۋاندىق جانە باتىس قازاقستان وبلىسىنان نيكيتا ۋدالوۆ بار.