«Astana Motors» كومپانياسىنىڭ باس ديرەكتورى بەكنۇر نەسىپبايەۆ ۇكىمەتتەگى بريفينگتە قازاقستاندا جاڭا اۆتوموبيلدەر شىعارۋدى نەگە ارتتىرىپ جاتقانىن ءتۇسىندىردى. ونىڭ ايتۋىنشا، بۇگىندە ەلىمىزدىڭ اۆتوكولىك پاركىندە شامامەن 5،5 ملن ماشينا بار، ونىڭ جارتىسىنان كوبىنىڭ پايدالانۋ مەرزىمى 10-20 جىلدان اسادى. بۇل اۆتوموبيلدەردى جاڭاسىنا اۋىستىرۋ قاجەت، سوندىقتان نارىقتى جاڭا جۇڭگو جانە كورەي اۆتوكولىكتەرىمەن قامتاماسىز ەتە الاتىن زاۋىتتار سالىندى، دەپ حابارلايدى infohub.kz.
«بۇل اۆتوموبيلدەردى اۋىستىرۋ كەرەك، ءارى جاڭاسىنا اۋىستىرۋ قاجەت. سوندىقتان ءبىز قازاقستاندىق نارىقتى سەنىمدى جاڭا جۇڭگو اۆتوموبيلدەرىمەن قامتاماسىز ەتە الاتىن زاۋىت سالدىق. بىزدە Hyundai زاۋىتى بار، قوستانايداعى ارىپتەستەر دە اۆتوكولىك شىعارادى»، — دەدى بەكنۇر نەسىپبايەۆ.
ول اۆتوموبيل كاسىپورىندارىنا سالىنعان ينۆەستيسيالار قازاقستاندىق اۆتوكولىك پاركىن جاڭارتۋعا باعىتتالعانىن اتاپ ءوتتى. «بارلىق ينۆەستيسيالار قازاقستاندىقتاردى جاڭا اۆتوموبيلدەرمەن قامتاماسىز ەتۋ جانە اۆتوكولىك پاركىنىڭ جاڭارۋى ءۇشىن جاسالدى»، — دەپ مالىمدەدى سپيكەر.
كومپانيا باسشىسىنىڭ دەرەگىنشە، قازاقستاندا جىلىنا شامامەن 230 مىڭ جاڭا اۆتوموبيل ساتىلادى.