«ارمان. كوگدا انگەلى سپيات» فيلمىمەن تانىمال قازاقستاندىق اكتريسا جۇلدىز ابدىكارىموۆا Instagram-دا كىشى قىزى رابيا سۇلتانعا جۇگىندى، وعان جاقىندا ءبىر جاس تولدى، دەپ حابارلايدى infohub.kz سايتى.
جۋىردا قايرات نۇرتاس پەن جۇلدىز ابدىكارىموۆا قىزدارىنىڭ العاشقى تۋعان كۇنىن اتاپ ءوتتى. جۇلدىز مەرەكەدەن ءبىر جاسار قىزى جانە جۇلدىزدى جۇبايى، ءانشى قايرات نۇرتاسپەن بىرگە تۇسكەن كادرلاردى جاريالادى. اكتريسا الەۋمەتتىك جەلى ارقىلى قىزىنا ۇندەدى.
«قىمباتتى رابيا سۇلتان! قانشا جاستا بولساڭ دا، قايدا جۇرسەڭ دە، ءبىزدىڭ ساعان دەگەن ماحابباتىمىز وزگەرمەيدى. جەڭىسكە جەتەسىڭ بە، قاتەلەسەسىڭ بە، قۋاناسىڭ با، مۇڭاياسىڭ با — سەن ءبىز ءۇشىن ءارقاشان ەڭ قىمبات جان بولىپ قالاسىڭ. ءبىز ءۇشىن ەڭ ماڭىزدىسى — سەنىڭ كىم بولاتىنىڭ ەمەس، قانداي ادام بولىپ وسەتىنىڭ. ادال، ءادىل، جۇرەگى جۇمساق، نامىسىن قورعايتىن، سوزىنە تۇراتىن جانە ءوزىن باعالاي بىلەتىن قىز بولىپ ءوس. ءارقاشان ءوزىڭدى قۇرمەتتە! ءومىر جولىڭدا تەك جاقسى ادامدار كەزدەسسىن، ساتتىلىك جىميىپ تۇرسىن، جۇرەگىڭ تىنىشتىق تاپسىن. ءار باستاماڭ بەرەكەلى، ءار قادامىڭ جارىق بولسىن. شەكسىز ماحابباتپەن — اعالارىڭ مەن اپكەلەرىڭ، اتا-اجەلەرىڭ جانە اتا-اناڭ!» — دەپ جازدى جۇلدىز.
«بۇل جاي عانا تاماشا. كەرەمەت! اتا-اناسى حانشايىمدارىنا وسىنداي بال ۇيىمداستىرىپتى»، «رابيا باقىتتى بولسىن»، «رابيا سۇلتان اكەسى مەن اناسى سياقتى شىعارماشىل تۇلعا بولسىن»، — دەلىنگەن پىكىرلەردە. بۇعان دەيىن دينارا ءساتجان قايرات نۇرتاستىڭ ءبىر جاسار قىزىنىڭ تۇساۋىن كەسكەنى حابارلانعان بولاتىن.