قازاقستاندىق اكتريسا، ءانشى قايرات نۇرتاستىڭ جۇبايى جۇلدىز ابدىكارىموۆا Instagram-دا ءوزىنىڭ ومىرلىك ۇستانىمدارى تۋرالى اشىق جازبا جاريالادى، دەپ حابارلايدى infohub.kz سايتى.
جۇلدىزدىڭ ايتۋىنشا، ول ءوزىن جاۋىنگەر سانايدى، ويتكەنى وتباسى مەن شىعارماشىلىق ۇجىمى ءۇشىن جاۋاپكەرشىلىك ارقالايدى.
«بىرەۋگە اققۋ بولىپ كورىنۋىم مۇمكىن، ەندى بىرەۋگە — قارعا. بۇل ماڭىزدى ەمەس. اينالامداعىلار ماڭدايىمدا ب ا ق قويعانداي، باسىمدا ءتاج بارداي كورسە دە، جۇرەگىمنىڭ تۇكپىرىندە ءوزىمدى جاۋىنگەر سەزىنەمىن. وتباسىمنىڭ، بالالارىمنىڭ، جاقىندارىمنىڭ جانە ۇجىمىمنىڭ اماندىعى ءۇشىن جاۋاپتىمىن — ولاردىڭ بارلىعى مەنىڭ قامقورلىعىمدا. ءيا، مەن تالاپشىلمىن. ءبىراق اينالامداعى ادامدارعا ەشكىمنىڭ قيانات جاساۋىنا جول بەرمەيمىن. سونداي-اق جەكە قارىم-قاتىناستى جاسىرۋ نەمەسە جۇرتقا جاريا ەتۋ — ءوز قۇقىعىم دەپ بىلەمىن. الايدا ارامىزدا كەلىسپەۋشىلىك تۋىنداسا، بارلىق بايلانىستى تولىق ءارى دەرەۋ ۇزەمىن»، — دەدى ول.
الەۋمەتتىك جەلى قولدانۋشىلارى جازباعا ءتانتى بولىپ، پىكىر قالدىردى: «بارلىعى كوزقاراسىنان-اق كورىنىپ تۇر»، «ومىردە ادەمى جۇرەدى»، «ءجۇرىسى ادەمى، سەنىمدى. بالاپاندارىن رەنجىتپەيدى. ول كەرەمەت».