قازاقستاندا كەلەسى اپتادا كۇشتى جۇلدىزدى جاڭبىردى باقىلاۋعا قولايلى جاعداي قالىپتاسادى، دەپ حابارلايدى infohub.kz سايتى.
كتك تەلەارناسىنىڭ تىلشىلەرى انىقتاعانداي، اي جارىعى قازاقستاندىقتارعا تامىز ايىنداعى قۋاتتى جۇلدىزدى جاڭبىردى كورۋگە كەدەرگى كەلتىرمەيدى. كەلەسى اپتادا-اق ولار ساعاتىنا جۇزگە دەيىن جۇلدىزدىڭ اعىپ ءتۇسۋىن كورە الادى.
استرولوگتاردىڭ ايتۋىنشا، 12 مەن 13 تامىز ارالىعىنداعى تۇندە پەرسەيدتەر مەتەور اعىنىنىڭ بەلسەندىلىك شىڭى كۇتىلەدى. ماماندار بيىل باقىلاۋ جاعدايى ەرەكشە قولايلى بولاتىنىن اتاپ وتەدى. «جۇلدىزدى جاڭبىردى ءتۇن ورتاسىنان كەيىن تاڭ اتقانشا باقىلاعان دۇرىس. استرونومدار جارىق باقىلاۋعا كەدەرگى كەلتىرمەۋى ءۇشىن قالادان الىستاۋ كوشۋدى ۇسىنادى. سونىمەن قاتار، بيىل پەرسەيدتەر شىڭى جاڭا ايدان كەيىن بىردەن كەلەدى، سوندىقتان اي جارىعى باقىلاۋعا كەدەرگى بولمايدى»، — دەلىنگەن سيۋجەتتە.
ەگەر اۋا رايى اشىق بولسا، قازاقستاندىقتار ساعاتىنا جۇزگە دەيىن مەتەوردى كورە الادى. ول ءۇشىن ارنايى قۇرال-جابدىق قاجەت ەمەس. اسپاننىڭ اشىق بولىگى مەن كوزدىڭ قاراڭعىلىققا ۇيرەنۋىنە بىرنەشە مينۋت جەتكىلىكتى.