جەلىدە قازاقستاندىق ادام جەگىش مانياك نيكولاي جۇماعاليەۆكە ۇقساس ەر ادام جابىق پسيحياتريالىق اۋرۋحانادا تۇرعان جاسىرىن ۆيدەو پايدا بولدى، دەپ infohub.kz حابارلادى.
الماتى وبلىسىنىڭ اقتاس كەنتىندەگى اۋرۋحانادا تۇسىرىلگەن دەپ بولجانعان كادرلاردا جۇماعالييەۆ ءوزىنىڭ جازىلىپ جاتقانىن سەزبەيدى.
اڭگىمە بارىسىندا جۇماعالييەۆ جۋرناليستەرگە سۇحبات بەرۋدەن قورقاتىنىن، سەبەبى باسشىلىق وعان «ءتىلدى بايلايتىن» ارنايى ينەكسيا جاساۋى مۇمكىن ەكەنىن ايتتى. ول مەكەمە ىشىندەگى سىبايلاس جەمقورلىق پەن كىسى ءولتىرۋ فاكتىلەرىن اشكەرەلەدى. ادام جەگىشتىڭ ايتۋىنشا، كەيبىر قىزمەتكەرلەردىڭ قولدارى «قانعا بويالعان» جانە ولار ينەكسيا ارقىلى ناۋقاستاردى ادەيى ولتىرگەن.
سونىمەن قاتار، ۆيدەودا اۋرۋحاناداعى تاماقتىڭ ناشارلىعى (قىزمەتكەرلەر ناۋقاستارعا ارنالعان ەتتى ۇيلەرىنە الىپ كەتەدى)، 1972 جىلدان بەرى اۋىستىرىلماعان جيھاز، قارجىلاندىرۋ ءۇشىن ناۋقاستاردى نەگىزسىز ۇستاۋ، سونداي-اق قازاقستاندا التىندى زاڭسىز ءوندىرۋ جانە دونالد ترامپتىڭ رەفورمالارى تالقىلاندى.
وسى مالىمدەمەلەر بويىنشا دەنساۋلىق ساقتاۋ مينيسترلىگىنە رەسمي سۇراۋ جولداندى.
ەسكە سالا كەتەيىك، جۇماعالييەۆ وننان استام ايەلدى ءولتىرىپ، ولاردىڭ قانىن ءىشىپ، ەتىن جەگەن، وعان شيزوفرەنيا دياگنوزى قويىلدى. ول 1990 جىلداردان بەرى اقتاستاعى جابىق پسيحياتريالىق اۋرۋحانادا ۇستالۋدا.