جەتىساي اۋداندىق پروكۋراتۋراسى ۋاقىتىلى زەينەتاقى اۋدارىمدارىن الماعان ءبىلىم بەرۋ ۇيىمدارى قىزمەتكەرلەرىنىڭ كونستيتۋسيالىق قۇقىقتارىن قالپىنا كەلتىردى. تەكسەرۋدەن كەيىن بەرەشەك تولىق وتەلدى، دەپ حابارلايدى infohub.kz سايتى.
قاداعالاۋ ءىس-شارالارى بارىسىندا اۋداندىق ءبىلىم ءبولىمىنىڭ ۆەدومستۆولىق باعىنىستاعى مەكەمەلەر قىزمەتكەرلەرىنە مىندەتتى زەينەتاقى جارنالارىن بەلگىلەنگەن مەرزىمدە اۋدارماعانى انىقتالدى. بۇزۋشىلىق 41 ءبىلىم بەرۋ ۇيىمىنىڭ 3766 پەداگوگىن قامتىدى. اۋدارىلماعان قاراجاتتىڭ جالپى سوماسى 33،8 ملن تەڭگەنى قۇرادى.
«تەكسەرۋ اۋداندىق ءبىلىم ءبولىمىنىڭ ۆەدومستۆولىق باعىنىستاعى مەكەمەلەر قىزمەتكەرلەرىنە قاتىستى مىندەتتى زەينەتاقى جارنالارىن ۋاقىتىلى اۋدارماعانىن كورسەتتى. بۇزۋشىلىقتار 41 ءبىلىم بەرۋ ۇيىمىنىڭ 3766 قىزمەتكەرىن قامتىدى. ناتيجەسىندە جالپى سوماسى 33،8 ملن تەڭگە مىندەتتى زەينەتاقى جارنالارى بەلگىلەنگەن مەرزىمدە اۋدارىلمادى»، – دەپ حابارلادى تۇركىستان وبلىسى پروكۋراتۋراسىندا.
قاداعالاۋ ورگانىنىڭ مالىمەتىنشە، بۇل قىزمەتكەرلەردىڭ ۋاقىتىلى زەينەتاقىمەن قامتاماسىز ەتىلۋىنە كونستيتۋسيالىق قۇقىقتارىنىڭ بۇزىلۋىنا اكەلدى. پروكۋرورلىق قاداعالاۋ اكتىسىنەن كەيىن بۇزۋشىلىقتار تولىعىمەن جويىلىپ، بارلىق مىندەتتى زەينەتاقى جارنالارى تولىق كولەمدە اۋدارىلدى.