2026 جىلدىڭ باسىنان بەرى باتىس قازاقستان وبلىسىنىڭ مەملەكەتتىك قىزمەتشىلەرى قىزمەتتىك كولىكتەرمەن ءجۇرىپ، جول قوزعالىسى ەرەجەلەرىن 119 رەت بۇزعان، دەپ حابارلايدى infohub.kz سايتى.
انىقتالعانداي، بۇزۋشىلىقتاردىڭ كوپشىلىگى جىلدامدىقتى اسىرۋعا بايلانىستى. بۇل دەرەكتەر ادەپ جونىندەگى كەڭەس وتىرىسىندا قارالدى. ق ر مەملەكەتتىك قىزمەت ىستەرى اگەنتتىگىنىڭ زكو بويىنشا دەپارتامەنتىنىڭ باسشىسى، ادەپ جونىندەگى كەڭەس ءتوراعاسى مۇرات بايسالوۆ قىزمەتتىك كولىكتى جۇمىس ۋاقىتىنان تىس پايدالانۋ جاعدايلارىنا ەرەكشە نازار اۋدارىلعانىن اتاپ ءوتتى.
اتاپ ايتقاندا، اۋىلدىق اكىمدىكتەردىڭ ءبىرىنىڭ قىزمەتتىك كولىگى تۇنگى ساعات ءۇش شاماسىندا قالادا بايقالعان. «قىزمەتتىك كولىك جۇرگىزۋشىسىنە قاتىستى ءتيىستى شارالار قولدانىلاتىن بولادى. سونداي-اق ماتەريالدىق جاۋاپتى تۇلعاعا قاتىستى ماسەلەنى قاراستىرامىز»، — دەدى بايسالوۆ.
تاعى ءبىر وقيعا ودان دا اۋىر بولىپ شىقتى: پوليسيا اقجايىق اۋىلىنىڭ اكىمىن ماس كۇيىندە كولىك جۇرگىزگەنى ءۇشىن ۇستادى. ادەپ جونىندەگى كەڭەس ونىڭ ارەكەتىن مەملەكەتتىك قىزمەتشىگە لايىقسىز دەپ باعالاپ، اكىمدى لاۋازىمىنان بوساتۋدى ۇسىندى.
ۆەدومستۆو قىزمەتتىك كولىكتى پايدالانۋ نەگىزدى بولۋى جانە بەلگىلەنگەن تالاپتارعا سايكەس كەلۋى ءتيىس ەكەنىن اتاپ ءوتتى.