Мектепалды даярлық тобы.
Қарттарым –асыл қазынам!
Жүргізуші: Құрметті балабақшамызда талай жыл еңбек етіп зейнетке шыққан ардагер апалар! Сіздерді 1-қазан Қарттар күні мерекесімен және қос тойың қатар болсын дегендей 2-қазан
ұстаздар күнімен балабақшамыздың бала тәрбиесінде қажымай-талмай еңбек жасап жүрген қызметкерлерімізді де құттықтаймыз!
Сіздердің шаңырақтарыңызға шаттық, береке, бірілік, көңілдеріңізге қуаныш тілейміз!
Бүгінгі мерекелік іс-шарамыздың тұсау кесер сөзін балабақшамыздың меңгерушісі: Ү. Аширбекова апайға береміз!

Жүргізуші:
Қарттар жүрсін ортада
Өткенді көрген шежіре
Аман-сау болсын әрқашан
Сыйлаған бақыт біздерге, - деп балабақша қызметкері Б. Махамбетжанның орындауында
«Қарттарым» әнін қабыл алыңыздар.

Немеренің бар қылығы сүйкімді
Қуанышқа бөлер әркез қартыңды
Қарақат қыз «цыган» биін сыйласын
Гүлдендіріп, нұрға бөлеп бүл күнді. - деп ардагер апаларға арнап «Мектеп алды даярлық» тобы
бүлдіршіні Бітімбай Қарақатты «Цыган»биімен ортаға шақырамыз!

Жүргізуші:Ардагер апаларды мерекелерімен құттықтап, марапаттау үшін келесі сөзді Кәсіподақ төрайымы П. Әлібаеваға береміз!
Асыл жандар тәрбиеші ұстаздар
Шын шебер де өнерпаз бір тұлғалар
әр баланың жүрегінде туы бар сол бір туды жығып алмай ұстаңдар!- деп ендігі кезекте балабақша педагог мамандарын марапаттау үшін ортаға меңгеруші Ұ. Аширбекованы шақырамыз.

Жүргізуші:
Бар тілегін арнаған балаларға,
Тәрбиеші ұстаздай пана бар ма?
Әр ісіне баланың баға беріп
Қиялдарын самғатқан армандарға - деп балабақша қызметкерлеріне арнап «Әнім сен едің» әнін
балабақшамыздың ән жетекшісі П. Әлібаева мен тәрбиеші П. Адигулова тарту етеді.

Жүргізуші:
Қазағымның шежіресін шертіп
Күй ойнатқан күмбірлетіп санаңа
Ұлтымның ұлылығын ұққызған
Қасиетіңнен айналайын домбыра, - деп «Би күйімен» өнерпаздарды шақырамыз.

Келесі кезекте ансамбльдің сүйемелдеуімен К. Алпысбаеваның орындауында қырғыз халық әні «Жылқышы»
Термелетіп берейін
Сөз маржанын терейін
Қошеметке бөлейін
Көмекейдің көмейін. -
Деп термеші ағайымыз Тоқтыбаев Қарғабай ағайды шақырамыз

Жайнаған қызғалдақтай қыр гүлімін
Кіші жүздің ішінде жиенеймін
Айта беріп созбалап не етпекпін
Еркелеткен анамның бір қызымын - деп балабақша өнерпазы Айтас Радамирді «Бала тілегі» әнімен
шақырамыз.

Жүргізуші: Бүгінгі қос мерекеге арналған мерекелік іс-шарамызды аяқтай отырып қортынды сөзді балабақша меңгерушісіне береміз және балабақшамыздың ардагер анасы Үрімхан ападан бата тілек
қабыл алсақ деген ниеттеміз.