Сауат ашу
Сабақтың тақырыбы: З әрпі мен дыбысын қайталау

Сабақтың мақсаты: З з дыбысы мен әрпін меңгерту, З дыбысын сөз ішінен бөліп алып, дұрыс дыбыстату және З дыбысына қатысты сөздерді оқытып, әр түрлі тапсырмалар арқылы тапқырлыққа, шығармашылыққа баулу. Туған жерге деген сүйіспеншілігін арттыру. Отанды қорғауға тәрбиелеу
Көрнекілігі: Стенд, суреттер, шығармашылық тапсырмалар.
Түрі: қайталау сабақ
Пәнаралық байланыс: бейнелеу өнері, еңбек сабағы

Сабақтың барысы:
І. Ұйымдастыру кезеңі.
- Балалар бүгін бізде ашық сабақ. Бүгін біз З әрпі мен дыбысын қайталап, бар білгенімізді ортаға саламыз.

ІІ. Үй жұмысын тексеру. Шығармашылық тапсырма
- Үйге берілген тапсырма ермексаздан З әрпі бар қандай болсын зат жасау еді, қане, кім не жасады? Сол сөзді буынға бөлдіру.
Оқулықпен жұмыс. 1. « Дәрігер боламын» өлеңін жатқа сұрау.
2. Сұрақтар қою.
Дәрігер не істейді?
Сен өскенде кім боласың?

ІІІ. Ойын. « Бұл үйде кім тұрады?» берілген дене мүшелері арқылы тұрғындарды анықтау
Қыз, бұзау, қозы, қоян, қаз.
Сөздерін тақтаға жазу. Қайсысы бұл үйдің тұрғыны емес? Сергіту. Поэзия минуты. Қолдарыңа қарындаш алып бірге сурет салу.
Қарындаштар
Мынау – сары қарындаш,
Мұнымен күнді бояймын
Мынау - қоңыр қарындаш
Мұнымен тауды бояймын
Мынау – жасыл қарындаш
Мұнымен бауды бояймын
Мынау – қызыл қарындаш
Мұнымен гүлді бояймын
Мынау - көк қарындаш
Мұнымен үйді бояймын
Мен суретші боламын
Қарындашты аламын
Туған жердің суретін
Әдемілеп саламын
Мағынаны тану
- Балалар біз қандай сурет салдық?
- Біздің еліміз қалай аталады?
- Қазақстан тақырыбына тоқталу. (Стендпен жұмыс)
- «Қазақстан - менің Отаным» өлеңін хормен оқу.
- Қай сөздерде З әрпі бар? (Қазақстан, бәрімізге, төбемізде) осы сөздердің мағынасын ашу.

Дәптермен жұмыс
З әрпі бар сөздерді көркем етіп жаздыру.
Сабақты бекіту.
«Кім тапқыр?» ойыны.
Берілген суреттердің атымен сәйкестендіру. Сол сөздермен сөйлем құрату.
Білезік, қазан, қобыз, көзілдірік

«Галереяға саяхат» ермексаздан жасаған заттары мен сабақта салған суреттеріне баға бергізу.(ұнаған сурет немесе заттарға жақсы деген пікір жазылған қима қағаздарды жапсыру).
Мұғалім өз тарапынан сабаққа жақсы қатысқан оқушыларды атап өтеді.
Сабақ аяқталады.