InfoHub Logo

Математика 1 - сынып
Сабақтың тақырыбы: 7 санын қосу және азайту
Сабақтың мақсаты:
Білімділігі: 7 - ні қосу және азайту тәсілдерімен таныстыру.
Дамытушылығы: логикалық, есте сақтау қабілеттерін, бағыт - бағдар бере отырып, өздігінен жұмыс істеуге, өзіндік талдау және шапшаңдықпен орындауға дағдыландыру.
Тәрбиелігі: оқушыларды шапшаңдыққа, ұйымшылдыққа тәрбиелеу. Тез шешім қабылдауға үйрету. Халықтың болжам, қағидалардың мағынасын түсінуге, 7 санының қасиетті сан екенін білуге үйрету.
Түрі: аралас сабақ.
Типі: жаңа сабақ.
Әдісі: жеке, сұрақ - жауап, түсіндіру, бақылау, қорытынды шығару. Пәнаралық байланыс: халық ауыз әдебиеті, дүниетану.

Көрнекілігі: тірек - сызбалар, суреттер, сөзжұмбақ, кесте.
Сабақтың барысы:
I. Ұйымдастыру кезеңі.
Психологиялық дайындық. ( Амандасу рәсімі)
Амансыз ба құтты күн
Амансыз ба ұстаздарым
Амансыз ба достарым
Аманменен бастайық,
Бір - бірімізді сыйлайық.

II Өткен сабақты пысықтау.
• «Кім жылдам?» ойыны.
• 2, 3, 4, 5, 6 сандарының қосу және азайту кестесін пысықтау.
• Жұмбақ есеп:

6 бұтақты ағашта,
Бұтақ сайын 1 алма
Тағы біреуін қосқанда,
Сонда болмақ қанша алма? (7)

III. Жаңа сабаққа дайындық. Қызығушылықты ояту.
1. Жұмбақ жасыру.
Алма бағы жайнаған
Қызыл алма айналам.
Алдым үзіп бесеуін
Тағы да алдым екеуін
Алдым сонда нешеуін? (алдым сонда 7 - уін )
- Жұмбақтың шешуінде қандай сан кездеседі?