InfoHub Logo

Тәрбие сағатының тақырыбы: «Мамандық таңдаудағы алғашқы қадамдар»
Мақсаты:
Оқушылардың жеке және кәсіби өзін - өзі тануына көмек жасау, болашақ мамандығын таңдауға оқушылардың бейімділігі, қабілеті мен мүмкіндіктерін айқындау, болашақта мамандық таңдауға ықпал ету, үш тілді меңгеруін дамыту.
Көрнекілігі: Интерактивті тақта, шарлар, буклеттер, үлестірме қағаздар
1. «Мамандық» сөзіне анықтама беру.
2. «Маманданған еңбек әлемі» танымын кеңейту, бар білімдерін белсенді ету (5 - 15 минут)
3. Психологиялық сәт: «Психогеометрия»
4. Мамандықтың бірнеше классификациясы;
5. Ойын жаттығу «Өмірдің бір күні...»;
6. Өз болашағыңды анықтауда мынадай ережелерді ұстан...
7. Мамандық таңдау барысындағы күнделік;

«Мамандық таңдауға жол» атты жетелеу жұмыс жоспарымен таныстырып өтейін:
1. Мамандық тағдаудағы алғашқы қадамдар (тәрбие сағаты);
2. Бейіміне қарай мамандық таңдау (психологиялық тест, тренингтер)
3. Мамандық типтеріне жеке тоқталу (класс сағаттарында)
4. Мамандық таңдау матрицасы (мамандықтың сан алуан түрлерімен таныстыру)
5. Ең қауіпті және әлемдегі қызықты деп танылған мамандықтарға шолу
6. Ата – ананың мамандық таңдаудағы рөлі;
7. Студенттермен кездесу кеші
8. «Мамандықтар әлемінде» қорытынды кеш (жыл соңында)

Әлемде 40 мыңға жуық әр түрлі мамандықтар бар. Статистердің зерттеулері бойынша жыл сайын 25 млн. адам өзінің жұмыс орнын ауыстырып, оның 25%- ы қайтадан өз орнына қайтып оралады екен. Бұдан, мамандықты таңдауда әр маман қателеспепті деуге бола ма? Әлде өзінің болашақтағы профессионалды қызметіне жан - жақты дайындалу керек шығар? Қоғамға, адамдарға пайдасын тигізетін мамандықтарды қалай таңдауға болады? Осы және тағы басқа мәселелер туралы бүгінгі тәрбие сағатында шешімін таба аламыз деген сенімдеміз.