InfoHub Logo

Ертегі: Мақтаншақ аю (ата - аналармен ертегіні сахналау)
Мақсаты: Ертегі негізінде достық жайлы баяндалған. Ертегіні ата - аналармен сахналау арқылы балалардың ойлау қабілетін және тілдерін дамыту. Балаларды достық сезімге тәрбиелеу
Рольдерде:
Аю –
Қасқыр –
Қоян –
Кірпі –
Түлкі –
Автор –
Автор: Ертеде қалың тоғай ішіндегі үйшікте үш дос болыпты. Олар түнімен тоғайды аралап күн ысығанда үйшігіне кіріп жатады екен. Бір күні келе жатып аю былай деді!
Аю: Достар ішімізде ең ірісі, ең мықтысы мен болам. Менен барлық аңдар қорқады.
Автор: Күштілігіне мақтанып аю өзінен кішкене аңдарға маза бермепті. Осылайша әңгімелесіп келе жатқан үш досқа жортып бара жатқан түлкі кезігіпті.
Аю: Түлкі бері кел саған айтам.
Түлкі: Маған айтасың ба? Не болды? Не боп қалды?
Аю: Маған үнемі қызмет ететін боласың.(жұлқылайды)
Кірпі: Достым түлкі бізге не істеді не жамандық жасады, оны жібер мұның дұрыс емес.
Түлкі: Жарайды жіберіңізші сізді сыйлаймын. Қызметімді аямаймын
Аю: Е солай болсын! Енді түлкі сыйлап жүретін болды. Көрдіңдер ма менің күшімді?
Автор: Тағы бірде қасқырды босатпай мазасын алады.
Аю: Қасқыр мында кел, мені сыйлап жүресің бе, жоқ па.
Қасқыр: Аю аға мені қоя беріңізші айтқаныңыз болсын.
Қоян: Қасқыр бізге тиіскен жоқ қой неге оны қинайсыз.
Аю: Егер мені сыйлап жүремін десе босатамын!
Қасқыр: Аю аға сыйлап жүремін босатыңызшы.
Аю: Енді қасқырды сыйлап жүремін болды.
Кірпі: Сені бұдан былай түлкіде, қасқырда жек көретін болады, және ешқашан сыйламайды.
Қоян: Өйткені, сен оларға күш көрсеттің, жәбірледің.
Аю: Жоқ, сыйлайды!
Қоян: Кірпі жүр кетейік аюмен дос болмаймыз.
Автор: Аю екі серігінен айырылып жалғыз қалады. кенет алдынан қасқырлар шыға келеді.
Қасқыр: Сен маған жазықсыз азап көрсеттің. Енді біз сені жабыла талаймыз.
Автор: Қасқырлардан зәресі ұшқан аю ағашқа өрмелеп қашып кетеді. Қасқырлар кеткен соң аю қайта келеді. Алдымен өзі жәбірлеген түлкі шыға келеді. Аю қорқып кетеді.
Түлкі: Аю аға неден қорқып кеттіңіз.
Аю: Қасқырлар маған бас салды.
Түлкі: Онда жылдам бері қарай жүріңіз. Мұнда рахат жер бар. Қасқыр деген мүлде жоқ. Жүріңіз, жүріңіз!
Автор: Түлкі аюды алдап айласын асырып, күп еткізіп батпаққа түсіріп жібереді.
Түлкі: Өткенде маған жәбір көрсеттің, сол үшін сазайыңды тартқыздым.
Автор: Ми батпақтан әзер құтылып аю үйшігіне әзер оралады.
Кірпі: Саған не болды?
Қоян: Бұл қалай болғаны. Саған кімнің күші жетті.
Аю: Мені қасқырлар қоршап алып талап тастай жаздады. Ағаштың басына шығып құтылдым. Қайтып келе жатсам түлкі кездесіп мені алдап батпаққа батырып жіберді.
Қоян: Айттым ғой достым. Күшіңе сеніп әлсіздерді күшпен сыйлатамын деп едің. Енді осы ойыңның дұрыс емес екеніне көзің жеткен шығар.
Аю: Достар, кешіріңіздерші өз қателігімді енді түсіндім. Бұдан былай барлығына мейірімді қарапайым, қамқоршы боламын.
Автор: Содан соң аю мақтаншақтығын қойып екі досымен тату - тәтті өмір сүріпті.
Тәрбиеші: Кузенбаева У. А.