InfoHub Logo

Шығыс Қазақстан облысы,Абай ауданы, Қарауыл ауылы,
Қарауыл гимназиясының информатика пәні мұғалімі
Кунафина Меруерт Нуржановна

Сабақтың тақырыбы: Паскаль программалау тіліндегі шартты оператор
Сабақтың мақсаттары:
Білімділік: Шартты операторлардың жазылу тәртібімен таныстыру және тармақталған алгоритмдерді программалауды түсіндіру. Сабақтан алған теориялық білімдерін жүйелі түрде тәжірибе жүзінде көрсете білу дағдыларын қалыптастыру.
Дамытушылық: Программалау тілінде жұмыс жасай білу дағдыларын, ойлау қабілеттерін, өз білімдерін сауатты түрде жеткізе білуді, пәнге деген қызығушылықты дамыту.
Тәрбиелік: Оқушылардың белсенділігін арттыру, жұмыс жасау мақсатында компьютерлік сауаттылыққа, өзара көмектесуге, өзін-өзі бағалауға тәрбиелеу.

Сабақтың типі: жаңа сабақ.
Сабақтың әдіс-тәсілдері:
Деңгейлеп оқыту технологиясы. Электронды тест.
Сабақтың көрнекіліктері:
Компьютер, проектор, презентациялар, деңгейлік тапсырмалар, оқулық, электронды түрдегі тест.
Пәнаралық байланыс: математика, геометрия, физика.

Сабақтың жоспары:
1. Ұйымдастыру
2. Қайталау
3. Жаңа сабақты түсіндіру
4. Сабақты бекіту
5. Оқушыларды бағалау
6. Үй тапсырмасы
Жаңа сабақ
Паскаль программалау тіліндегі шартты оператор
Паскаль тілі өзінің қарапайымдылығының және тиімділігінің арқасында дүние жүзіне тез таралды. Қазіргі кезде барлық дербес компьютерлер осы тілде жұмыс істей алады. Паскаль тілінде жазылған программаның дұрыстығын компьютерде тексеру және жіберілген қатені түзету оңай. тармақталған алгоритмдерді ұйымдастыру үшін шартты операторларды пайдаланамыз