InfoHub Logo

Қазақ тілінен 6 сыныпқа орта мерзімді жұмыс жоспары

• Пән: Қазақ тілі
• Сынып: 6
• Сағат саны: 102, аптасына 3 сағат
• Жазба жұмыстары: 12.
• Оқулық: Қазақ тілі 6 - сынып. Г. Т. Тұрсынова, А. А. Қасымбек Алматы «Арман - ПВ» 2011 жыл
• Тақырыптық - күнтізбелік жоспар Қазақстан Республикасының Білім және ғылым министрлігі 9. 07. 2010 жылғы №367 бұйрығымен бекітілген ҚР МЖБС (2. 3. 4. 01 - 2010) сәйкес, Ы. Алтынсарин атындағы ұлттық білім академиясы ұсынған қазақ тілі оқу бағдарламасы негізінде жасалды.

Түсінік хат
Тіл – кез келген танымдық іс - әрекеттердің құралы, ойлаудың формасы және оны дамытудың негізі.
Білім берудің негізгі сатысында қазақ тілін оқытудың мақсаты – ана тілінің қоғамдық - әлеуметтік мәнін түсінген, әдеби тіл нормаларын білетін, сөйлесім әрекеті мен қарым - қатынастық біліктілігі қалыптасқан, ұлтымыздың рухани мұраларын қастерлейтін дара тұлғаның дамуына мүмкіндік жасау. Бағдарлама жүйесі «Қазақ тілін оқытудың тұжырымдамасы» мен «Қазақ тілінің мемлекеттік білім стандартына» сай түзілді.

Міндеттері:
Танымдық бағыт бойынша:
Оқушының лингвистикалық дүниетанымын қалыптастыру;
Тілдің қоғамдық - әлеуметтік мәнін түсіндіру.
Оқушылардың логикалық ойлауын қалыптастыру.
Мәтін арқылы танымдық қызығушылығын арттыру.
Мәтіннің тілдік және танымдық қызметін, дүниетанымдық және тәрбиелік құндылығын түсіндіру.

Практикалық бағыт бойынша:
- оқушыларға әдеби тіл нормаларына сай дұрыс сөйлеу дағдыларын меңгерту.
- тілдік жағдаяттарға лайық дұрыс қарым - қатынас жасаудың амал - тәсілдерін үйрету.
- оқушылардың тілдік сауаттылығын арттыру, шығармашылық қабілеттерін дамыту.
- сөйлесім әрекетіне қажетті заңдылықтар мен талаптарды меңгерту.
- оқушылардың тілдік – эстетикалық талғамдарын қалыптастыру
- сөйлеу мәдениеті талаптарына сай тілдік құзыреттерін қалыптастыру.
6 – сыныпқа арналған «Қазақ тілі» оқулығын аяқтай отырып, оқушылар мыналарды меңгеріп шығуға міндетті.
Оқушылардың сөзжасамның, морфологиялық жалпы тіл жүйесіндегі орнын таныта отырып, олардың лингвистикалық дүниетанымын кеңейту;
Морфологиялық білімдерін ауызша, жазбаша сөйлеу тілдерінде орынды қолдануға төселдіру;
Түбір мен қосымшалардың бір - бірімен фонетикалық, лексикалық, морфологиялық заңдылықтарға сүйене отырып байланысып тіркесетінін түйсіну;
Сөз таптарының әрқайсысына морфологиялық тұрғыдан сипаттама бере білу