InfoHub Logo

Музыка 5 - класс
Сабақтың тақырыбы: Қазақстанның скрипка мектебі.
Мақсаты: Скрипка аспабы туралы мағлұмат беру.
1 Скрипка аспабының шығуы тарихына шолу жасау.
2. Оқушыларға адамның ой - арманының музыкада бейнелеуі мен оның өмірімен байланыстылығын түсіндіру. Балаларды әсемдікті сезінуге, музыкадан эстетикалық ләззат ала білуге тәрбиелеу. Музыканы түсінуге баулу, өнерді қастерлеуге, құрметтеуге тәрбиелеу.
3. Оқушылардың танымдық қабілетін арттыру, өз ойын еркін жеткізуге жетелеу, шығармашылық қабілетін дамыту.
Cабақтың түрі: Жаңа сабақ
Әдіс - тәсілдері: көрнекі - баяндау, сұрақ - жауап, ой бөлісу.
Жұмыс түрлері: музыка тыңдау жұмыс, шығармашылық жұмыс.
Көрнекілігі: слайдтар, үнтаспа - видео, плакаттар, аспаптар.
Сабақтың типі: Жаңа ұғымды меңгерту.

І. Алғашқы ұйымдастыру.
- Балалар, бүгінгі сабағымыз күндегіден ерекше болады. Біз екі топпен жұмыс жасаймыз. (Оқушыларды домбыра мен қобыз аспабын таңдатып, сол арқылы екі топқа отырғызу).
- Екі топ та өздері таңдаған аспаптардың атымен аталады. «Домбыра» және «Қобыз»
Оқушыларды түгендеу, жинақтау.
Психологиялық дайындық.
Ойға толып санамыз,
Бестік болып бағамыз.
Баласындай бір үйдің,
Тату болсын арамыз.

Үй тапсырмасын қайталауға сұрақтар беру.
- Алдыңғы тоқсандағы өткен тақырыптар бойынша тақтадағы ноталарда жазылған сұрақтарға екі топ алма - кезек жауап береді.
1. Фермата дегеніміз не?
2. Қазақ драма театрының тарихы қай жылы басталды?
3. Тоника дегеніміз не?
4. Импровизация дегеніміз не?
5. Екпіннің қандай түрлері бар?
6. Бах қай елдің композиторы?
- Балалар Біз енді осы тоқсанда өнердегі тұлғалар жөнінде, олардың бізге қалдырған мұрасы жөнінде сыр шертпекшіміз.
Бүгінгі ерекше сабағымыздың тақырыбы тақтадан өздеріңіз көріп отырғандай,
«Қазақстандағы скрипка мектебі» деп аталады. Дәптерімізді ашып бүгінгі сабақтың тақырыбын жазамыз.
- Балалар сендер скрипка туралы не білесіңдер?
(Оқушылар екі топпен өз білетіндерін қағазға түсіріп, өздері баяндайды).
- Жарайсыңдар, енді тақтаға назар аударайық.
• Слайд - 3. Тақтадан скрипка аспабын көріп тұрмыз.
• Слайд - 4. Ребаб.
• Слайд - 5. Скрипканың өзіндік халықтық тарихы бар. Бұл аспаптың арғы тегі арабтардың ребаб аспабы мен француздардың фиделі, немістердің ротасы. Скрипканың бұрынғы формасы XVI ғасырда жасала бастады. Осы ғасыр мен XVII ғасырдың басында белгілі Италяндық Аматилер отбасы скрипка жасау ісімен шұғылданды. Олардың аспаптары өзіндік өзгеше формасымен және жақсы сапасымен үнемі ерекшеленді. Осы скрипка өндірісі - ақ Италия елінің абыройын біраз аспандатып тастады. Сол замандағы Страдивари мен Гварнери атты шеберлердің скрипкасы өте өтімді болды. Сапасына тағар ешкім де мін тапқан жоқ. Олардың жасаған аспаптарының құны да жоғары болды.