InfoHub Logo

Саласы: «Қатынас»
Бөлімі: Тіл дамыту
Тақырыбы: «Қысқы орманға саяхат»
Мақсаты: Қыс жайында жалпы балалардың білімдерін бекіту.
1. Тірек - сызбалар арқылы 2 - 3 сөзден тұратын сөйлем құрауға үйрету.
2. Байланыстырып сөйлеу қабілеттерін, сөздік қорларын дамыту.
3. Қысқы табиғатқа деген сүйіспеншілігін, қызығушылығын арттыра отырып, табиғаттың әдемі сұлулығын көре білуге және оған қамқор болуға тәрбиелеу.
Әдіс - тәсілдері: Слайд, саяхат, көрсету, түсіндіру, ойын, сұрақ – жауап, тірек - сызба.
Көрнекі – құралдар: интербелсенді тақта, орман бейнесі (шыршалар, бөренелер) орман аңдары ойыншығы, маймыл ойыншығы, сандықша, тірек - сызбалар.

Тәрбиеші іс - әрекеті
Ғажайып сәт: Хат тасушы келеді.
Хат тасушы: - Сәлеметсіңдер ме, балалар? Бұл «Балапан» балабақшасы ма? «Еркетай» тобы ма?
Менің сендерге видео хабарламам бар. – Мінеки, алыңыздар. (хат тасушы қоштасып кетіп қалады)
Тәрбиеші: - Балалар, қалай ойлайсыңдар, бұл видео хабарламада не бар екен? Мүмкін біреу бізбен өз қуанышымен бөліскісі келетін шығар, ал мүмкін керісінше біреу қиын жағдайға тап болып, біздің көмегіміз қажет шығар. – Қане интербелсенді тақтаға қарайық. (тақтадағы бейнетаспада орман ханшайымы балалардан көмек сұрайды, орман аңдарын тауып берулерін өтінеді)
Тәрбиеші: - Балалар, біз орман ханшайымына көмектесе аламыз ба? Ендеше бізге саяхатқа шығу керек. Қысқы орманға саяхатқа.
- Балалар, орманға немен баруға болады?
- Ал мен сендерге пойызбен баруды ұсынамын. Мен пойыздың паравозы боламын, ал сендер вагон боласыңдар. Бірақ вагондар паравозға қарама - қарсы сөздер арқылы қосылады.
«Қарама - қарсы сөзді айт» ойыны.
Шарты: Тәрбиеші бір сөйлемді атайды, мысалы: піл үлкен, ал тышқан......
(музыка ойналады)
Орманға келеді. Шыршаның астынан сандықша тауып алады.