InfoHub Logo

С дыбысы мен әрпі
Білім беру саласы: Қатынас
Бөлімі: Сауат ашу.
Мақсаты: Мнемокестемен жұмыс істеу дағдыларын дамыту, логикалық ойлау қабілеттерін дамыту.
Білімдік: С әрпімен таныстыру, с дыбысының айтылу ерекшелігін өздеріне анықтату.
Дамытушылық: қосып оқуға үйрету; өткен дыбыстарды қайталата отырып, ойлау қабілеттерін жетілдіру; қауіпсіздік ережесін сақтаудың маңыздылығын түсіндіру.
Тәрбиелік: қоршаған ортаны сүйе білуге, әдемілігін сезіне білуге тәрбиелеу.
Көрнекі құралдар: алаңқайда бейнелеуге қажетті ойыншықтар - сыртына буындар жазылған сары түсті гүлдер, сона, сиыр, жылан; доп, сирағы бар кішкентай тақта, оқуға арналған жылжымалы жолақтар, мнемокесте.
Билингвальды компонент: әріп - буква, ауызша – устный.

Мотивациялық – қозғаушылық
Жылулық шеңбері
Достарым, кең тұрыңдар,
Бақыт сырын ұғыңдар.
Қол ұстасып, күлімдеп
Шаттық шеңбер құрыңдар.
«Сөз ойла» дидактикалық ойыны
Мақсаты: өткен дыбыстарды қайталату,
педогог бір дыбысты айтып, допты бір балаға береді. Доп алған бала сол дыбыстан басталатын сөз ойлап айтады да, допты тәрбиешіге қайтарып береді. Осы ретпен ойын жалғасады.

Ұйымдастырушылық - ізденістік
Жаңа тақырыпқа кіріспе
Жұмбақ
Тырс - тырс етеді,
Құлағынан өтеді.
Балалар енді мына суретке назар аударайық? Сұрақ - жауап.
- Балалар, жазды сағындыңдар ма? Ендеше, қиялымызбен жазғы алаңқайға барып, біраз демалып келейік.
Балаларды топтың басқа шетіне, кілем үстіне бастап барады. Үстел үстіне ойыншықтармен алаңқай бейнеленген - өсіп тұрған сары гүлдер, жайылып жүрген сиырлар, гүлдерге, жерге қонып отырған соналар, елеусізде жерде жатқан жылан.
- Алаңқайда өсіп тұрған гүлдердің түсі қандай?
- Қандай мал жайылып жүр?
- Ал, мынау қонып отырған не?
- Ойланып көріңдерші, «сары, сиыр, сона» сөздері қандай дыбыстан басталады?
- Дұрыс айтасыңдар, барлық сөздер [с]
дыбысынан басталады.
Фонетикалық жаттығу
Алаңқайға барайық,
Айналаға қарайық.
Жыландар кеп қалмасын,
Бізді шағып алмасың.
с - с - с - с - с - с
Назарларын жыланға аударады:
- Далада қыдырып, ойнап жүргенде сақ болу керек екенін ешқашан ұмытпаңдар. Жыландар өте қауіпті болады. Олардың қандай дыбыс шығаратынын тағы бір рет айтыңдаршы.
Айнаға қаратып [c] дыбысын қайталатып айтқызады, дыбысты айтқан кездегі тіл қалпына назарларын аударады, сұрақтар қояды:
-[c] дыбысын айтқанда тіліміз қандай қалыпта болады?
- Яғни, [c] дыбысы қандай дыбыс?
-[c] дыбысын қандай дөңгелекпен белгілейміз?
Балалардың жауаптарын қадағалайды,
С әрпімен таныстырады, әріпті ауаға жаздырып, неге ұқсайтынын айтқызады.

Павлодар облысы, Екібастұз қаласы
Балабақша тәрбиешісі
Умарова Самал Калижановна