InfoHub Logo

Сабақтың тақырыбы: Шона Смаханұлы “Тәкаппар” (мысал)
Сабақтың мақсаты:
 Білімділік: Мысал өлеңді мәнерлеп оқи отырып, негізгі ойды анықтауға үйрету;
 Дамытушылық: Оқушыларды проблемаларды дұрыс шешуге, ойларын жүйелі, байланыстыра жеткізе білуге қалыптастыру, сөздік қорларын байыту, тілдерін дамыту;
 Тәрбиелік: “Тәкаппар” сөзінің мағынасын аша отырып, оқушыларды жаман қасиеттерден аулақ болуға, туған жерін, Отанын сүюге, оған адал болуға тәрбиелеу.
Сабақтың түрі: Жаңа сабақ.
Сабақтың типі: интерактивті сабақ.
Оқу іс - әрекетінің әдісі: түсіндіру, әңгімелеу, өткенді бекіту, ойын, ой қозғау, сұрақ - жауап, талдау.
Көрнекі құралдар: интерактивті тақта, кесте.
Пәнаралық байланыс: өзін - өзі тану, математика, қазақ тілі
Сабақтың барысы:
Мұғалімнің әрекеті Оқушылардың әрекеті
(2 слайд) І. Ұйымдастыру:
- Балалар, «Өзін - өзі тану» сабағында шаттық шеңберін құрып бір - бірімізге жүрек жылуын қалай береміз? Ендеше, бүгінгі сабағымызды жылылықтан бастайық!

(3 слайд) ІІ. Үй тапсырмасы:
«Жұлдызды сәт» ойыны арқылы өткен сабақты, яғни үй тапсырмасын тексеремін. Балалар, осы сәттен бастап сабақ соңына дейін жауап беріп, сабаққа қатысқан балаға бүгінгі сабақты бағалау мақсатымен жұлдызша таратамын. Көп жұлдыз алуға тырысыңдар! Кім көп жұлдыз алса, сабақ соңында әрине соған сәйкес деген баға алмақ. Ендеше, жұлдыз таңдап, сұрақтарына жауап берейік.

(4слайд)
1 - сұрақ -“Даңғой” мысалының авторы кім?
(Жұлдызша беру)
(5слайд)
2 - сұрақ
- Өлеңді неге мысал өлең дейміз?
(Жұлдызша беру)
(6 слайд)
3 - сұрақ -“Даңғой” өлеңінің басты кейіпкерін ата. Одан үлгі алар ма едің?
(Жұлдызша беру)
(7слайд)
4 - сұрақ - Қияр не деп мақтанды? Мәтіннен тауып оқы:
(Жұлдызша беру)
(8слайд)
5 - сұрақ - Қияр қандай күйге ұшырады? Оған не себеп болды?
(Жұлдызша беру)

(9слайд)
6 - сұрақ: - Мысалдағы негізгі ой не? Өзіңе қандай үлгі алдың?
(Жұлдызша беру)

(10слайд)
ІІІ. Жаңа сабақ:
Кіріспе:
- Балалар сендерге санды өсу ретімен қою оңай, ендеше санның астындағы әріптерді де сәйкес ала отырып сөз оқыңдар. Кәне, кім жылдам?
5 1 4 2 8 6 3 7
П Т А Ә Р П К А
(Жұлдызша беру)

(11слайд)
Негізгі бөлім:
- Сонымен өткен сабақта мысалмен таныстыңдар. Оны үй тапсырмасын тексеру кезінде еске түсіріп кеттік. Бүгін тағы мысалмен танысамыз.
Дәптерге күнді жазғызу.

( 12слайд)
Автормен таныстыру:
Шона Смаханұлы Жамбыл облысы, Талас ауданы, «Ойық» совхозында 1924 жылдың 5 - қазанында дүниеге келген. Қазақтың атақты ақыны, сықақшысы. Педагогикалық институттың тіл және әдебиет факультетін сырттай оқып бітірген. Ұлы Отан соғысына қатысқан. 1943 - 57 жылдары педагогикалық қызмет атқарған. Бірнеше баспаханаларда қызмет еткен. Шона Смаханұлының шығармалар жинағы («Қоңыраулы шеңгел», т. б.), кітаптары («Шимайбек пен Шыңқетпе», «Ұры тіс», «Қу түлкінің сыбағасы», т. б.) жарық көрді. 1988 жылы Алматы қаласында қайтыс болды.