InfoHub Logo

Ұйымдастырылған ашық оқу қызметінің технологиялық картасы
Білім беру саласы: Таным
Бөлімі: ҚМТҚ
Тақырыбы: Сиқырлы пішіндер
Мақсаты: Балалардың пішіндер туралы білімдерін толықтыру, оларды ажыратып атай білуге үйрету. Балалардың зейінін, есте сақтау қабілетін ойын арқылы дамыту, қызығушылығын арттыру. Өз ойларын жеткізе білуге үйрету, ұқыптылыққа тәрбиелеу.
Көрнекілігі: Геометриялық пішіндер, суреттер.

Ұйымдастыру кезеңі.
Балалар, қане шеңбер жасаймыз. Бүгін бізге көп қонақтар келіпті, барлығымыз сәлемдесейікші.
Сәлемдесу: Сәлем деймін, күнге мен!
Сәлем деймін, мен саған!
Сәлем деймін, апайға,
Қонақтарға, құстарға.

Жылулық шеңбері:
Елімізде тыныш болсын!
Аспанымыз ашық болсын!
Деніміз сау болсын!
Әр күніміз сәтті болсын!
Тәрбиеші: - Балалар қазір жылдың қай мезгілі?
- Көктем мезгілінде қанша ай бар?
- Қазір қай ай?
- Көктемде ауа райы қандай болады, қандай өзгерістер байқадыңдар?
Балалардың жауаптары.
Тәрбиеші: Қазір бізде математика сабағы. Біз нешеге лейін санай аламыз? Балалар, біз санамақ айтып көрейікші.
Санамақ:
- 1, 2, 3.
- Ал, қанекей ұш!
- 4, 5, 6, 7.
- Мынау, ауылдың шеті.
- 8, 9, 10.
- Ал, қанекей қон!

1 - тапсырма: Балалар, сендер мына қорапта нелер бар екенін білесіңдер ме, көргілерің келе ме? Ендеше қорапқа қолымызды салып, не бар екенін іздейміз? (Балалар қораптағы қарақұмықтан, пішіндерді іздейді)
Біз андай пішіндерді көріп тұрмыз? (Балалар пішіндердің атын атайды)

2 - тапсырма: Ойын: «Өз пішініңді тап»
Тәрбиеші: Біз осы пішіндерге байланысты қандай тақпақтар білеміз?
Дөңгелек: Мынау емес, тқртбұрыш,
Мынау мүлде жоқ бұрыш.
Бұның аты – дөңгелек
Дөңгелекті дөңгелет.
Үшбұрыш: Үшбұрышты білеміз
Табанында жүреміз
Төбесінен сырғанап
Құлап қалсақ күлеміз.
Шаршы: төрт бұрышы тең болса,
Төрт қабырға тең болса,
Жауап берер балақай
Ой - өрісі кең болса.

3 - тапсырма: Суретпен жұмыс.
(Балалар суретпен заттардың қай пішінге ұқсастығын табады)

Сергіту сәті:
Ормандағы аю, қонжық,
Ұялардан бал іздеді.
Орман ішін аралады,
Ағаштарды сілкіп көрді.
Оңға бір, солға бір
Ағаштарды сілкіп көрді
Орман ішін аралады
Қуанғаннан билей берді.

4 - тапсырма:
Тәрбиеші: - Балалар, енді мына пішіндерді жоғарыға, төменгі сөрелерге орналастырамыз.
Ойын: «Кім шапшаң?»
Шарты: үшбұрыш, төртбұрыш, шаршы, дөңгелек пішіндері болады. Сол пішіндердің атын атағанда сол пішінге тез жиналу керек.
- ал, балалар, енді мына пішіндерден әртүрлі заттар құрастыруға болады, біз сол пішіндерді пайдаланып өзімізге ұнаған затты құрастырамыз.

Қорытынды жасау.
- Балалар, сендердің барлығың да өте жақсы жұмыс жасадыңдар.
- Біз қандай пішінді білдік?
- Пішіндерден нелерді құрастырдық?
Күтілген нәтиже:
Білуі керек: пішіндерді ажырата білуді.

Маңғыстау облысы,
Қарақия ауданы, Мұнайшы селосы
«Аяла» балабақшасының тәрбиешісі Қалабаева Н. Ұ.