InfoHub Logo

Сабақтың тақырыбы: Туған жердің ыстығы - ай
Сабақтың мақсаты: Қали Сапарбаевтың шығармашылығымен таныстыру,
Әңгіменің мазмұны мен негізгі идеясын ашу, жылдам оқып, жүйелі түрде әңгімелету.
Жан - жақты ойлау қабілетін, әдеби көркем тілде сөйлеу дағдысын дамыту.
Оқушыларды Ұлы Отанына, туған еліне, туған жеріне деген балалық махаббатың шын мәнінде көрсете білуге, тәуелсіз елдің заманауи талабына сай бәсекеге қабілетті көкірегі ояу, көзі ашық, білімді және шығармашылығы зор тұлға болуға тәрбиелеу.
Көрнекілігі слайд, карта, суреттер. Әдіс – тәсілдері: баяндау, сұрақ – жауап, талдау. Жұмыс түрі: жеке, ұжымдық. Пәнаралық байланыс музыка, дүниетану.

Сабақ барысы Ұйымдастыру.
Үй жұмысын тексеру.
Туған өлкем. 3 - 4 оқушы жатқа айтып береді, шығармашылық жұмыстарын оқып, салған суреттерін көрсетеді.

Жаңа сабақ. Қали Сапарбаев Туған жердің ыстығы - ай.
Ой толғау. Туған жер деп неге айтамыз? Балалар өз ойларын айтады.
Слайд көрсетіледі. Туған жердің табиғаты. Музыка ойналады. Қайрат Жұмаділов өлеңінің соңғы жолдарын қандай әдемі сөздермен аяқтап еді? Дұрыс, олай болса осы өлең жолдарын арқау етіп Қали Сапарбаевтың Туған жердің ыстығы - ай деген әңгімесімен танысамыз.

Қали Сапарбаев шығармашылығы туралы айту. Балалар, түйенің қандай түрлері болады? деген сұрақ қою арқылы олардың түрлері жайында көрген - білген, оқығандарын айтқызамын.
Слайд пайдаланып, түйе туралы мағлұмат беремін.