InfoHub Logo

Алгебра және анализ бастамалары
Сабақтың тақырыбы: «Туындыны табу ережелері» тақырыбына есептер шығару
Сабақтың мақсаты:
1. Білімділік: Туындыны табу ережелерін пайдалана отырып, функциялардың туындыларын табуға есептер шығару, машықтандыру, алған білімдерін тереңдету, жинақтау, жүйелеу.
2. Дамытушылық: Оқушылардың ой - өрісін кеңейту, пәнге қызығушылығын арттыру.
3. Тәрбиелік: Жылдам ойлап, тез қорытуға, жауапкершілікке, өз бетінше білім алуға баулу, адамгершілікке, достыққа
тәрбиелеу.
Сабақтың көрнекілігі: Интерактивті тақта, борт - журналдар(жұмыс парақтары), деңгейлік тапсырмалар, 12 балдық ашық журнал, дербес компьютер.
Сабақтың түрі: дәстүрлі емес
Сабақтың типі: бекіту сабағы.
Сабақтың әдісі: Оқытудың үш өлшемді әдістемелік жүйесі технологиясы.
Оқушылармен жұмыс түрлері: жұптық, топтық, ұжымдық.
Пәнаралық байланыс: тарих, физика, ән, әдебиет, геометрия.

Сабақтың барысы:
І. Ұйымдастыру кезеңі:
а) Оқушылармен сәлемдесу, түгендеу – 1 минут
II. Үй жұмысын тексеру
ІІI. «Қайталау – ілімнің анасы»
Оқушыларды топқа бөлу.
Әр оқушы үш түсті (қызыл, жасыл, көк) стикердің біреуін таңдап, сонда жазылған ауызша есептерге жауап береді. Сынып оқушылары таңдаған түстері бойынша үш топқа бөлініп отырады.
«Білім» кемесінде «Туынды» аралына саяхат.
«Білім» кемесіндегі каюталар: «Функциялардың көбейтіндісі», «Функциялардың бөліндісі», «Дәрежелік функция» (оқушылар үш топқа бөлінеді). Әр каюта капитандарына бағалау парақтары таратылады (борт - журнал).