InfoHub Logo

Сабақтың тақырыбы: WordPad мәтіндік редакторының қосымша мүмкіндіктері
Сабақтың түрі: интерактивті сабақ
Сабақтың мақсаты:
Білімділік: Оқушыларға WordPad редакторының қосымша мүмкіндік түрлерімен таныстыру. Алмасу буферімен жұмыс істеуді, мәтінге графикалық объектілерді енгізуді үйрету.
Дамытушылық: Оқушылардың логикалық ой өрісін кеңейту, сабаққа деген қызығушылығын арттыру, есте сақтау қабілеттерін дамыту.
Тәрбиелік: Оқушыларды өз бетінше жұмыс істеуге, тапсырманы тиянақты орындауға үйрету. Оқушылардың пәнге, мамандыққа деген қызығушылығын арттыру.
Көрнекі құралдар: Дербес компьютер, интерактивті тақта, слайдтар, электрондық оқулық.
Пән аралық байланыс: қазақ тілі, орыс тілі, ағылшын тілі

Сабақ жоспары:
1. Ұйымдастыру бөлімі
2. Үй тапсырмасын тексеру
а) Перфокарта
б) Кім жылдам?
в) Қатесін тап!
3. Жаңа сабақ. WordPad мәтіндік редакторының қосымша мүмкіндіктері
4. Практикалық жұмыс.
5. Жаңа білімді бекіту.
а) Сәйкестікті анықта
б) Кестені толтыр
в) Техникалық диктант
г) Не үйрендік, не білдік тексеріп біз көрелік (ActivVote - мен тест жұмысы)
д) Өзің таңда!
е) Кім білімпаз?
6. Білімгерлердің білімін бағалау
7. Үй тапсырмасын беру
8. Қорытынды

Сабақтың барысы:
І. Ұйымдастыру кезеңі
ІІ. Үй тапсырмасын тексеру.
а) Перфокарта.
WordPad мәтіндік редакторының құрал - саймандар тақтасының батырмаларын есте сақтадың ба? Оқушылар төмендегі перфокартаны толтырады.

б) Кім жылдам? Оқушылар карточкадан сұрақтың нөмірін таңдап алады. Сұрақтар:
1) WordPad мәтіндік редакторын іске қосу жолы қандай?
2) WordPad мәтіндік редакторының терезе элементтерін ата?
3) Құрал - саймандар тақтасында қандай батырмалар орналасқан?
4) Мәзір жолағындағы мәзір аттарын ата?
5) Файл мәзірінде қандай мәзірлер орналасқан?
6) Терезенің тақырып жолында не бейнеленеді?
7) WordPad редакторы терезесінде қалып - күй қатары қайда орналасқан?
8) Мәтінді беттің ортасы бойынша жазу үшін қай батырманы қолданамыз?