InfoHub Logo

Synyptan tys jumys «Altyn qaqpa» tanymdyq oıyny
Taqyryby: «Abaı lebi - zamanynyń tynysy, Abaı úni - ǵasyrlardyń órisi»
Maqsaty:
Bilimdiligi. Abaıdyń ómiri men shyǵarmashylyǵy týraly bilimderin tekserip, tanymyn keńeıtý, sózdik qoryn molaıtý.
Damytýshylyǵy: Oqýshylardyń til mádenıetin, til baılyǵyn, sózdik qoryn, bilim - bilik daǵdylaryn qalyptastyrý, oı - órisin keńeıtý, shyǵarmashylyq jumys isteý qabiletin damytý.
Tárbıeligi: Oqýshylardy eńbekqorlyqqa, adamgershilikke, tártipke, izdenimpazdyqqa, uıymshyldyqqa tárbıeleý.
Sabaq túri: tanymdyq - oıyn sabaǵy
Ádisi: suraq - jaýap, túsindirý
Kórnekiligi: Interaktıvti taqta, upaı jınaýǵa arnalǵan juldyzshalar, jaýap berý belgileri, tósbelgiler (beıdj), top attary jazylǵan paraqshalar.

Oıynnyń barysy.
İ. Uıymdastyrý kezeńi. Oqýshylarmen amandasý.
İİ. Muǵalimniń kirispe sózi.
Qurmetti ustazdar men oqýshylar!
Búgin bizde 7 «A» jáne 7 «B» synyp oqýshylary Uly aqyn, kemeńger, fılosof, sazger, aǵartýshy, aýdarmashy, oıshyl Abaı Qunanbaev týraly izdenip, oqyǵan - bilgenderin oıǵa túıip, eske túsirý úshin «Altyn qaqpa» tanymdyq oıynynda bilimderin synaǵaly kelip otyr. Abaıdyń ár sóziniń mán - maǵynasyna úńilip, tereń boıǵa sińirý - tek ádebıet aıdynynda júrgenderdiń ǵana emes, kózi ashyq, kókiregi oıaý árbir azamattyń paryzy.
Endeshe, búgingi oıynymyzǵa «Abaı lebi - zamanynyń tynysy, Abaı úni - ǵasyrlardyń órisi» degen taqyryppen 7 «A» jáne 7 «B» synyp oqýshylaryn shaqyramyn.

İİİ. Oıynǵa qatysatyn toppen tanysý.
Top basshylary, óz toptaryńdy jáne top uranyn tanystyryp ótińder.

Topqa bólý: Ár top úsh oqýshydan turady.
İ top. «DANALAR» toby. Urany: «Ásempaz bolma árnege,
Ónerpaz bolsań arqalan
Sen de bir kirpish dúnıege.
Ketigin tap ta, bar, qalan»