InfoHub Logo

(Kórinis)

Sahnada kımeshek kıip, urshyq ıirip Zere (Toqbala) áje otyrady.​ Syrttan entigip kirgen bala Abaı:

- Áje, Kári áje deımin!

- Aý, Telqara! Qulynym?! Birnárse dediń be? (Kımesheginen bir qulaǵyn syrtqa shyǵaryp,​ júzin Abaıǵa burady. )

-​ Úıge bir top attyly kisi keldi...! İshinde qý tildi, sary jigit bar eken.​ Meni kórip: "myna Shanshardyń jaman jıenin, ákesi joqta jaqsylap qamshylap alaıyn ba?" - dep,​ mazaq qyldy...​ Anamnan suraıyn desem, qonaqtan qoly bosar emes?! Meniń naǵashymnyń esimi​ - Turpan emes pe? Endeshe myna shataq sary, nege meni "Shanshardyń jıeni"- dep,​ jek kórip tu

-​ Áp, bárekeldi qulynym! Jigit bolyp, jeti atasyn túgendeýge jaraǵan Telqaradan aınaldyq! (Ájesi yrza keıippen azyraq kúlip alyp):

-​ Uljan kelinim Orta júz, Qarakesekten taraıtyn Shanshardyń tuqymy!​ Shanshardyń Nurbıke degen áıelinen týǵan Bertis bıden: Móshke, Bıten, Shıten degen nemereleri órbıdi. Bıtennen - Qantaı, Tontaı, Turpan, Turpannan - seniń anań Uljan men Molqara apań dúnıege kelgen. Uljannyń ákesimen birge týysqan aǵalary Qontaı, Tontaı qaljyńymen dańqy jaıylǵan, belgili mysqylshyl, tapqysh kúldirgiler bolǵan. Bul ádet Bertis, Shanshar rýyna túgel jaıylǵan minez. Kórshi el, Shanshardyń qýlary degende: kisini jazym qylyp ketetin ıt-qusty sóz qylǵandaı sóıleıdi. Jármeńke sıaqty qalyń jıyndarda, bir jerde tobymen jıylyp, kúlip sóılep kele jatqan Shanshardy kórse, kóp eldiń kisileri: "oıbaı, Shanshar kele jatyr!" dep órtten qashqandaı dúrkireı qashady eken. Bul ádet Shanshardyń mysqyl, mazaqqa usta bolyp, taýyp aıtqysh ótkir tildiginen týǵan nárse. Qandaı jannyń bolsa da minin tappaı qoımaıdy, minin taýyp alsa túńligin ushyrǵandaı qylyp soqtyǵady. Sóz tabýymen kimniń de bolsa esin shyǵaryp, eseńgiretip ketedi. Jańaǵy sary jigit te Shanshardyń ýytty áziline iligip, ishine kek tutyp júrgen bireý boldy ǵoı...?! As pisip, qonaqtarmen júzdeskenshe, naǵashylaryń jaıly biraz áńgime qyla turaıyq?!

- Ol kisilerden taraǵan bir syqaq sóz bar ma áje?

- E, nege bolmasyn? Kóp qoı qulynym! Tontaı naǵashyń qaı bir jyly qatty syrqattanyp, úshkirtýge taǵy molda shaqyrtpaq bolǵan bala-nemerelerine: "Jazyla-jazyla qoja-moldadan da uıat boldy, endi ólmesek bolmas"-dep, óz betin ózi jaýyp, pánıden baqıǵa kúlip attanǵan desip júr jurt! Anańda da kesek sóıleıtin sheshendik, osyp sóıleıtin ótkirlik baryn talaı baıqaǵanmyn...! Árkim jatyryna tarta týady...! Naǵashylaryń sózge usta, óz atalaryń minezdi bolǵanda, olardan qashyp sen qaıda barmaqsyń...?! Buıyrtsa,​ sen de sheshen, týrashyl,​ aqyldy bolasyń qulynym!

-​ Áje! Kári ájem meniń! Siz bolmasańyz sonshama ertegi, dastan, ańyz-áńgimeler men sheshenderdiń sózderin, kim aıtyp berer edi maǵan?! Siz bir jatqan altyn sandyqsyz ǵoı?!

-​ Qońyr qozym-oý, meniń! Quıma qulaǵym! Qane, endeshe! Kári ájeńe jattaǵan dastandaryńnyń birin aıtyp bere qoıshy...?!
​(Osy kezde syrttan kelgen taǵy bir bala):

-​ Kári áje! As daıyn bolyp qaldy! Otaýǵa júrińiz! - deıdi.

- Qane, Telqara! Qonaqtardy kúttirmeı, asty sýytpaı, otaý úıge baralyq! Áńgimeniń dámdisi men qymyzdyń baldysyn sol jerde jalǵaıyq?! Qane, qolymnan tarta ǵoı! Áýýýp bissmilláh!

(Ájesi men Abaı sahnadan ketedi.)

---