Asqa, toıǵa baratuǵyn,
Jany asyǵyp, jas jigit.
Qolǵa ketti jaýǵa bir kún,
Tiri adamnyń isi – úmit.

Qozǵady jaý batyr erdi,
Jaýǵa soıqan salǵaly.
Qalyńdyǵy qala berdi,
Jatyr edi alǵaly.

Asyqsań da, shyraǵym,
Saǵan degen qudanyń
Jazylǵan qandaı jarlyǵy,
Esitken joq qulaǵyń.

Qalyńdyq qushyp, súıýge,
Kúıeýine yntyzar.
Kelisimen tıýge,
Daıyndalǵan oıy bar.

Kóılegin aqtan tikkishtep,
Kúni-túni dem almaı,
Bitirýge júr kúshtep,
Asyqqansyp, toqtalmaı.

Sen asyqqan eken dep,
Alla ámirin ózgertpes.
Aıtqanyń bolar ma eken dep,
Men qorqamyn, kóz jetpes.

Jara basty keýdeni,
Jaýdan óldi ar úshin.
Eskermeı ózge dúnıeni,
"Ah!" dep ótti jar úshin.

Jamandyq turmas kúttirip,
El esitti, qyz bildi.
Aq kóılekti bitirip,
Kebinim dep kıdi, óldi...

Qol jetpegen nekeni
Súıip ketken jan eken.
Kóziń nege jetedi,
Qosylmaq onda bar ma eken?

Shyny ǵashyq jar bolsa,
Nege óldim dep nalymas.
Onda ekeýi kez kelse,
Birin biri tanymas.

---