![Aı men kún](http://infohub.kz/uploads/thumbnail/20240120175133788_big.png)
- 10 naý. 2015 00:00
- 228
Aı men kún
Ótken zamanda bireýdiń Aısulý jáne Kúnsulý degen eki qyzy bolypty. Ekeýi de teńdesi joq sulý eken. Birinen-biri asqan sulýmyn dep birimen-biri únemi urysysyp, jıi-jıi janjaldasyp qalady eken. Bir kúni Kúnsulý is tigip otyrǵan Aısulýǵa tıisip:
— Senen men sulýmyn! — deıdi. Al Aısulý bolsa:
— Joq, sen sulý emessiń, men sulýmyn! — dep talasady.
Aqyr aıaǵynda bul talas úlken shataqqa aınalady. Yza qysyp, ábden ashýlanǵan Kúnsulý ózine qarsy kelip otyrǵan Aısulýdyń betin tyrnap alady. Kúnsulý tyrnaǵynyń izi Aısulýdyń betinde óshpesteı bolyp qalady. Mine, sodan beri Aısulý jurttan uıalyp, tek túnde ǵana tysqa shyǵady eken. Al beıbastaqtyǵynan qatty uıatqa batqan Kúnsulý tún qarańǵylyǵynda buǵyp jatady eken. Sodan beri Aısulý men Kúnsulý birine-biri kórinbeıdi.