InfoHub Logo

Bolıvıadaǵy bıik taýdyń jaǵasyndaǵy jol «Ólim joly» dep atalady. Bolıvıanyń Iýngas aýmaǵyndaǵy joldyń resmı aty «Iýngas joly». Amazon ormandaryn eldiń astanasy Sýkrege baılaıtyn joldardyń biri. La Paz qalasynan bastaý alatyn jol 4650 metr bıiktikke joǵarylap kóteriledi. Bıik quzdardy jaǵalap, tik yldılar men shuǵyl burylystardan ótetin bul jol, Koroıkoǵa jaqyn jerlerde taǵy da 1200 metr kóteriledi.

Bul joldyń keńdigi ortasha eseppen 3 metr 20 santımetr. Jańbyrly, tumandy kúnderde, tym bıiktiktiń de áserinen jol múldem kórinbeıtin halge keledi. Týrısterdiń qyzyǵýshylyǵyn arttyrǵan bul joldy kórýge kelip-ketýshilerdiń sany óte kóp. Týrısterdi arnaıy kólikter men jetekshiniń kómegimen bul joldy qydyrýǵa alyp baratyn týrlar uıymdastyrylady. Sońǵy 10 jylda 18 velosıpedshiniń osy jolda qaza tapqany, týrısterdiń sanyn azaıtpady. 1983 jyly jolda saıahat etip júrgen avtobýs, joǵarydan tómenge qulap, 100 den astam adamnyń ólimine sebep bolǵan. 1994 jyly 25 kólik quzdan tómen qaraı qulaǵan.

---