InfoHub Logo

Qazaq halqynyń dástúri boıynsha ár azamattyń úsh jurty bolady. Olar: óz jurty, naǵashy jurty jáne qaıyn jurty. Bul ush jurt ta janashyr, súıenish, qorǵanysh bolyp sanalady. Qazaq halqy bul úsh jurtqa bylaı baǵa bergen.

Óz jurtyń - kúnshil, bar bolsań kóre almaıdy, joq bolsań bere almaıdy, jaqsy bolsań kúndeıdi, jaman bolsań júndeıdi.

Qaıyn jurtyń - minshil, qolyńnyń uzyndyǵyna qaraıdy, jaǵańnyń qyzyldyǵyna qaraıdy. Berseń jaǵasyń, bermeseń daýǵa qalasyń.

Naǵashy jurtyń - synshyl, jaqsylyǵyńa súıinedi, jamandyǵyńa kúıinedi. Árqashan tileýińdi tileıdi, tileýqor, qamqorshy bolady.

Bul aıtylǵandar beker emes, shyndyǵy bar nárseler.

Týystyq negiz ben ataýlar osy úsh jurttan bastalyp, jaqyndyq qatynas aǵaıyn, týys, naǵashyly-jıendi, ilik, jamaǵaıyn, jekjat, juraǵat, qudandaly dep atalady. Munyń barlyǵy týystyq ataýlar dep atalady.

Qazaqtar úsh júzge, taıpalarǵa, rýlarǵa bólingenimen, birin-biri bóten sanamaǵan. "Surasa kele qaryn bóle shyǵarmyz", - dep aty-jónin, týystyq qatynasyn da surastyryp, bilip otyrý dástúrge aınalǵan.

"Myńnyń túsin bilgenshe, birdiń atyn bil", - deıdi. Bul - qazaq úshin buljymas zań.

---