Arystan-balyq

Arystan-balyq - shaıan balyqtar tobynyń ókili. Teńizde  tirshilik  etetin ýly  balyqtardyń  túri. Bul balyqtar ıne  sekildi  18 arqa qanaty arqyly  ýyn shyǵaryp , jaýlarynan  qorǵanady. Dene turqy 30 sm-ge  deıin ósedi. Jelpýish  tárizdi  qanattarynan qandaı da  bir  qaýip tóngende  jaryq shyǵarady. Osy arqyly balyq, krevetka, tańqyshaıan, mollúski sekildi jemtikterin  de aýlaıdy.

Arystan-balyqtar árkez mamyqty búıir qanattaryn sozyp, usaq balyqtardyń úıirin tar jerge qamap, ońaı juta salady. Álemniń keı jerlerinde arystan-balyqtardy asqa paıdalanady, biraq  kóbine  adamdar olardy akvarıýmda ósirgendi unatady. Tynyq, Úndi muhıttarynda tirshilik etedi.

Arystan-balyqty akvarıýmda ustaý úshin onyń janyna iri balyqtardy jiberý kerek. Óıtkeni usaq balyqtardy ol jep qoıady.


Arystan-balyqtar shaqqannan  keıin, adamdardyń tynysy tarylyp, denesi tyrysyp, sal bolyp qalady. Keı jaǵdaıda ólimge ákelýi múmkin. Degenmen adamdardyń  kópshiligi  qatty  aýyrǵanymen aman qalady. Arqa qanattaryndaǵy ýly ınesi adam denesine kirgen jaǵdaıda, muqıat emdelgen jón. Emdelý birneshe aıǵa sozylýy múmkin, eger der kezinde em qabyldamasa, shaqqan jeri gangrenaǵa ulasady.

Arystan-balyqtar kún batardan 3 saǵat buryn jemtigin aýlaýǵa shyǵady. 


You Might Also Like

Jańalyqtar

Jarnama