Qarǵam meniń!
Qarǵam meniń!
Alasaryp barady arman-kógim.
Jalǵan dese, dúnıe jalǵan ba ediń?!
Jaralanǵan kóńilim dal-dal meniń.
Qaýyrsyn eń úzilgen qanatymnan,
Janarymnan shýaq eń taratylǵan.
Qara basqa ornatyp qara tuman,
Qaıǵym boldyń, oıymda dara turǵan.
Kúızel jan, kúńiren jan, kúná basyp,
Aıyǵar sátiń seniń, sirá, qashyq.
Jabyǵyp jaryǵynda bul jalǵannyń,
Bir túıir qanym meniń júr adasyp...
Men júrmin baqyt qýyp, dańq qýyp,
Saırańdaǵan bolamyn saýyq quryp.
Kinási joq qarǵamdy jabyqtyryp,
Jolaı almaı qurydym tanyp turyp...
Qarǵam, seni jaıym joq kem kóretin,
Bımaǵulym taǵdyryń sen kóretin.
Zat bop nege júregim jaralmaǵan?!
Qarǵalarym, senderge teń bóletin...

---