Sandalǵany-aı sanamnyń san bólinip,
Tamyrymda týlaıdy qan jeligip.
Bara jatyr kólshikter kólge aınalyp,
Bara jatyr tóbeler taý kórinip.
Qumdy qushqan qý taqyr baqqa aınalyp,
Sýyq aıaz kúıdirgen ottaı qaryp,
Álsiz júrek ál jıyp alatyndaı,
Arakidik lyp etip, toqtaı qalyp.
Tas kóshege tabanmen syna qaǵyp,
Qaıda asyǵyp barady myna halyq?!
Abyr-sabyr aǵylǵan adamdarǵa,
Aıǵaı salǵym keledi tura qalyp.
Kósheler de teńselip baratqandaı,
Mashınalar shorshıdy shabaqtardaı.
Bári qalqyp barady saǵym bolyp,
Barlyǵyn da saǵymnan jaratqandaı.
Saǵymmen saǵym bop, erip baram,
Kóńil surar pende joq kelip maǵan.
Anda-sanda kózimdi bir ashqanda,
Alataýdyń aq basyn kórip qalam..

---