InfoHub Logo

Arıstov — Kishi júzdi Orta júzden bólingen Alshyn toby deıdi. Iofshın sózinde Kishi júzdegi rýlar: eń basty eli — alshyn. Oǵan jeti rý degen elderdi ataqty Táýke han qosqan.

Bul kúnde kishi júz úsh rý: Baıuly, Álimuly, Jeti rý degen. Álimuly alty rý: Qarasaqal, Qarakepseq Qyzaı, Tórtqara, Shómekeı, Shekti.

Baıuly on eki rý: Adaı: Jappas, Altybas (alasha), Baıbaqty, Masqar, Berish, Tazdar, Esentemir, Sherkes, Tana, Qyzylqurt, Ysyń.

Jeti rýlar: Tabyn, Tama, Qabarshary, Kereıit, Jaǵalbaıly, Tileý, Ramadan.

Bulardyń ishinde Orta júz arǵynnan atalar bar ekenin bilersiz. Kishi júz ishinde bizdiń, toqal arǵyn dep atalatyn Sarjetim. Shaqshaqtyń násili bar ekeni anyq. Biraq, joǵarǵy atalardyń ishinde anyq aty uqsaǵany joq. Olaı da bolsa, Shekti degeni Shaqpaq bola ma, dep oılaımyn, ıakı arǵyn bolǵan coń qospaǵan ba? Jáne búl Kishi júzdiń ár rýynan bólinip, 1801 jyly Bókeı hanǵa erip, Oral sýynan ári ótip kóshken, Bókeı eli atanǵandar Álimulynan: Qyzaı degen, Baıulynan — Beris, Sherkes, Adaı, Jappas, Masqar, Ysyń, Esentemir, Baıbaqty, Altybas (alasha), Tana, Qyzyl kúrt, Tazdar.

Jeti rýdan: Tama, Tabyn, Kereıit jáne Tópe, ıaǵnı, han násilinen shyqqan on alty rý el, onyń ishinde qojalar, noǵaı, tóleńgit degen, bul qoja men tóleńgit hanǵa jınalǵandar. Noǵaı buryn torǵaýytqa qapap, torǵaýyt ketkende de óz ornynda qalǵan noǵaılar.

Kishi júz qazaǵynyń ertegi syqyldy sózi: Alashhan degen han tusynda alapes bala týsa, dalaǵa aparyp tastapty. Bir kúni óziniń de qatyny alapes bala tapqan coń, ony da sheshesiniń qasyna qyryq qyz qosyp, aparyp tastap, qyrǵyzdar sodan tarapty, Alshyn sol násilden deıdi. Burynǵy kezde alaqshyn degen el bolǵan. Qytaısha — pýma deıdi. Eneseı júrgen qyrǵyzben násildes, Alshyn sodan shyqqan bolar.

---