InfoHub Logo

Qobaljýlarǵa sebep bolatyn keıbir toksınderdiń bir bóligi kóz jastarymen deneden shyǵyp ketedi. Sonymen qatar kóz jasy — kózdi jumyp ashý arqyly bolatyn turaqty úıkelis sebebinen kózdiń buzylýynyń aldyn alady.

Freıdiń zertteýleri boıynsha, áıelderdiń erkekterden kóbirek ómir súrýleri, olardyń kóp jáne erkin jylaýlaryna baılanysty. Statısıkalyq málimetterge qaraǵanda, áıelderdiń kóz jastaryn jınaý múmkin bolǵanda, 70 jastaǵy bir áıeldiń kóz jastary bir shelekti toltyrady eken.

Mınnesota shtaty men brıtanıalyq Lankaster ýnıversıtetiniń ǵalymdary adamnyń kóz jasynyń densaýlyqqa paıdaly ekenin anyqtady. Bar másele qanshalyqty kóp jylaıtynymyzǵa baılanysty eken.

Mınnesota ýnıversıtetiniń mamandary az ýaqyt jylaǵan adamdardyń 88,8%-ynyń kóńil-kúıi men densaýlyǵy jaqsarǵandyǵyna kóz jetkizgen. Jylaý arqyly adam kúızelisten arylady. Eger jasty syrtqa shyǵarmasa, aǵzada júrek talmasyn boldyratyn zattar bólinip shyǵady. Ádette jylaǵan soń kúızelis gormony kortızoldyń deńgeıi tómendeıdi.

Tájirıbe júrgizýshi profesor Ýıllıam Freıdtiń aıtýynsha, kózden shyǵatyn jastyń birneshe túri bar. Emosıalyq, fızıkalyq jáne t.b. Alǵashqysynyń hımıalyq quramy ekinshisinen ózgeshe. Óıtkeni ekinshi túri tánimiz aýyrǵan kezde shyǵady. Emosıalyq kóz jastyń arqasynda arterıalyq qysym retke keledi.

Brıtanıalyq mamandar jastyń adamnyń psıhologıalyq densaýlyǵyna tıgizer paıdasy zor ekenine nazar aýdarǵan. Lankaster ýnıversıtetindegi zertteýdiń jetekshisi bolǵan Kerı Kýper durys jylaı bilý kerektigin aıtady.

Kóp adam álsizdigin jasyrý úshin jylamaıdy. Tek basyna túsken qıyndyqqa ózgelerdiń nazaryn aýdartý úshin jylaıdy. Eger mundaı maqsatyńyz bolmasa, taza aýada jalǵyz qalyp jylaǵan jón. Tereń tynys alýdyń arqasynda oıymyz jınaqtalyp, árbir isimizge durys baǵa beremiz.

---