InfoHub Logo

Atyshýly pıkaper Aleks Leslı áleýmettik jelidegi paraqshasynda Qazaqstanǵa kirýge tyıym salynǵany týraly aqparatty ózi joqqa shyǵarýdy jón kórdi.

Qaznette «qazaq qyzdaryn qaratý» retinde tanylǵan Aleks Leslı laqap atymen reseılik bloger Aleksandr Kırılov Qazaqstanǵa áli de ushyp júrgenin aıtty. 16 qarashada quqyq qorǵaý organdary Aleksandr Kırılovtyń Qazaqstanǵa kirýine tyıym salynǵanyn habarlady. Biraq, soǵan qaramastan pıkapshy áli kúnge deıin «ystyq qazaq qyzyn» kezdesýge úmitin úzbeıdi.

"Eshqandaı tyıym joq, áıtpese olar meni ushaqqa da otyrǵyzbaıtyn edi. Meni Qazaqstanda qarsy alyńyzdar, men sizge ushyp baramyn", - dep jazdy pıkapshy.

Óz kezeginde Almaty qalalyq Kóliktegi polısıa departamenti: «Bul azamatqa Qazaqstan Respýblıkasyna shyǵýǵa tyıym salynǵan», - dep taǵy da rastady.

Eske salaıyq, tyıym salýǵa blogerdiń ońtústik astanada «Eń ystyq qazaq qyzyn  kim tabady» trenıńin bastap jatqany týraly málimdemesi sebep bolǵan. Kırılov ózin seks-nusqaýshy dep ataıdy jáne óziniń janjaldy qıturqy áreketterimen, kitaptarymen jáne  qyzdardy qaratýǵa arnalǵan jattyǵýlarymen tanymal boldy.

Bir kún buryn Qazaqstan Respýblıkasynyń Syrtqy ister mınıstrligi reseılikterdiń qazaq qyzdaryn qaratýǵa úıretkeni týraly málimdemesin zertteıtinin málimdegen bolatyn. Bul rette mınıstrlik Qazaqstan basqa memleketterdiń resmı málimdemelerine ǵana jaýap beretinin atap ótti.

Sonymen, keldi me, kelmedi me?

Janjaldy «qaratýshy gýrý» Aleks Leslıdiń (Aleksandr Kırılov) jáne onyń Almatydaǵy jattyǵýynyń tarıhy kún saıyn jańa qyzyqty málimettermen tolyqtyrylyp keledi.

Kelesi kúni Leslıdiń elge kirýge bir jylǵa tyıym salynǵanyna qaramastan, ońtústik astanaǵa ushyp ketkeni belgili boldy.

Alaıda, aqyry belgili bolǵandaı, Leslı Almatyǵa ushpaıdy jáne óziniń Instagram jelisindegi sújetterin oıdan shyǵarsa kerek, onda ol óziniń ońtústik astanaǵa kelgeni jáne tólqujattyq baqylaýdan kedergisiz ótkeni týraly jańalyqtarymen bólisti.

Biraq, Qumash Telegram arnasynda Leslıdiń Almaty áýejaıynan basqa bireýdiń  vıdeosyn alyp, daýysyn salǵany týraly jazba jarıalanǵan bolatyn. Arbat Medıa kólik polısıasy departamentine silteme jasap habarlaýynsha, Aleks Leslı shynymen de pasporttyq baqylaýdan ótpegen jáne ol Qazaqstanda joq: «Búgin halyqaralyq áýe qatynasy arqyly úsh reıs keldi. Aleks Leslı - Aleksandr Kırılov - Almatyǵa, Qazaqstanǵa kelmedi»,- dedi departament ókili Lázzat Qasymjanova.

Eske salaıyq, Aleks Leslı qarashanyń 19-y men 27-si aralyǵynda Almatyda qazaq qyzdaryn qaratý boıynsha trenıń ótkizýi kerek edi. Oqıǵa týraly habarlandyrý jaǵymsyz pikirlerdi týdyrdy, nátıjesinde qazaqstandyqtar Leslıdiń elge kirýine tyıym salýdy talap ete bastady. Sóıtip, Almaty oblystyq advokattar alqasynyń múshesi Kenjebek Beketuly orysty jer aýdarýǵa shaqyryp, tıisti aryz jazdy. Keıin Almaty polısıa departamenti Kırılovtyń elge kirýine bir jylǵa tyıym salǵany belgili boldy.

Avtor: Kamıla Tastanbek

---