InfoHub Logo

"Jambyl oblysy Turar Rysqulov aýdany ákimdiginiń ishki saıasat bólimi" komýnaldyq  memlekettik mekemesi men «Jambyl oblysy «Qazaqstan stýdentteriniń Alánsy» jastar qoǵamdyq birlestiginiń uıymdastyrýymen «Jastar arasynda qazaqstandyq patrıotızmdi nasıhattaý, ulttyq qundylyqtardy saqtaýǵa baǵyttalǵan is-sharalardy  uıymdastyrý» áleýmettik jobasynyń aıasynda Qulan aýyldyq okrýgi, Halyqqa qyzmet kórsetý ortalyǵynda "Jastarǵa keńes berý alańy" atty keńes berý alańy ótkizildi.

Keńes berý alańynda 14-29 jas aralyǵyndaǵy jumyssyz jastar, jeke kásibin ashatyn nemese kásibin damytýshylar, túrli baǵyttaǵy memlekettik qoldaý tetikteri, turǵyn úı, jumysqa ornalasý, áleýmettik jáne quqyqtyq kómek qajet etetinder, orta arnaýly oqý ornyn bitirýshi stýdentter, orta mektepti bitirýshi túlekter túrli máselelerine jaýaptar aldy.

Keńes berý alańynda «Otbasy bank», «Halyq bank», «KMF» mıkroqarjylyq uıymdarynyń qarjy konsýltanttary, «Halyqty jumyspen qamtý ortalyǵy» mamany jáne psıholog, zańger mamandary aýdanymyzdyń turǵyndaryna, arnaýly orta oqý oryndarynyń stýdentteri men muǵalimderine, aýdan jastaryna keńesterin berdi.

Sharaǵa barlyǵy 50-den asa jastar men turǵyndar qamtyldy. Qatysýshylardyń basym bóligi óz kásibin bastaý úshin nesıe rásimdeý mamanyna, sonymen qatar, turǵyn-úı alý máselesi boıynsha «Otbasy bank» qarjy konsýltanttaryna jolyǵyp, saýaldaryn qoıdy. Al, jeke máseleler boıynsha jastar psıholog mamanynan keńes aldy.

---