InfoHub Logo

Jambyl oblysy, Merki aýdany
№17 I.I. Trýbısyn atyndaǵy orta mektep-gımnazıasynyń
4 "d" synyp oqýshysy: Karmaev Ilá
Jetekshisi: Aıdarbekova Indıra Pernebekqyzy

 

Men 4 synyp oqýshysymyn. Bastaýysh býynnyń eń sońǵy synybynda oqyp júrmin. Osy birneshe jyl ishinde bizge ártúrli muǵalimder sabaq berip, birneshe pánderdi oqydyq. Pánder ártúrli jáne qyzyqty. Ár pánniń ózindik erekshelikteri bar. Sabaq beretin muǵalimder de, ár jyl saıyn ótetin qyzyqty jańa pánder de meniń qyzyǵýshylyǵymdy oıatyp, bilimimdi tolyqtyrady.

Osy ýaqyt aralyǵynda men úshin erekshe súıikti pán bolǵany - qazaq tili páni. Memlekettik til bolyp tabylatyn qazaq tilin oqý men úshin óte qyzyqty. Qazaq tili óte ádemi, shuraıly ári baı til. Qazaq tilinde aıtylatyn sózder qulaqqa jumsaq, jaǵymdy estiledi. Qazaq tili páninde biz osy qazaq tilin meńgerip, qazaq tiliniń birneshe erejelerimen de tanystyq. Qazaq tili páninde oryndalatyn jattyǵý jumystary, oıyndar men tapsyrmalar sondaı qyzyqty. Maǵan qazaq tili til retinde qyzyqty bolǵandyqtan da bolar, qazaq tili pánin erekshe qyzyǵa oqımyn. Qazaqsha óleń joldaryn jattap, mánerlep oqý, onyń maǵynasyn túsindirý de maǵan unaıdy. Men bolashaqta qazaq tilinde saýatty sóıleıtin Qazaqstan Respýblıkasynyń bilimdi azamaty bolǵym keledi. Osy armanymnyń oryndalýy úshin qazaq tili pánin óte jaqsy meńgerý mańyzdy dep sanaımyn.

---