InfoHub Logo

Qolóner jáne modeldeý
Sabaqtyń maqsaty:
1. Oqý prosesinde oqýshylardyń belsendilik rólin arttyryp, birlese sheshýge, uıymshyldyqqa, iskerlik, sheberlikke úıretý.
2. Qolónerdiń syryn túsine otyryp, izdenýge, tanymdylyq qabiletteriniń artýyna yqpal etý, estetıkalyq tárbıe berý, logıkalyq oılaý, kıimdi modeldeý, kıimdi kórkemdep sándeý, ónerge yntasyn, qabiletterin damytý.
3. Halqymyzdyń asyl muralaryn, salt - dástúrlerin qurmetteı bilýge, ónerdi túsinýge, súıýge tárbıeleý. Sóıleý mádenıetin qalyptastyra otyryp, maqal - mátelder arqyly jaqsylyqqa, izgilikke umtyldyrý.
Sabaqtyń kórnektiligi: Kórme «Qol óneri – oı óneri»
Danalyq sózder:
«Ónerlige - óris keń»
«Ónerdi baǵalaı bilmegen, órge shyqpas»
«Óner kókke jetkizer»
«Óner jutamas baılyq, taýsylmas azyq»
Sabaqtyń túri: Saıys, bilim, izdenis óner sabaǵy.
Pán arqyly baılanys: Ádebıet, tehnologıa, mýzyka.
Sabaqtyń barysy:
1. Uıymdastyrý
2. Ádilqazy alqasyn saılaý
3. Sabaq jospary jáne saıys sharttarymen tanystyrý
4. Toptarmen tanystyrý
1. «Óner» toby
Urany:
«Oıý - órnek syryn uqtyq jalyqpaı,
Kókiregimiz shejireli sandyqtaı»
2. «İsker» toby
Urany:
«Oıy ushqyr, sezimi joǵary,
Qıaly tereń adam bolaıyq»
3. «Zerger» toby
Urany:
«Erkin oılap, qolónerdi meńgerdik,
Maqal aıtyp, jumbaq sheship izdendik»
4. «Asyl mura» toby
Urany:
«Oıymyzdy ashaıyq, alǵa qaraı basaıyq»
Ár top attaryna saı jasalǵan emblemalaryn, ádilqazy alqasyna kórsetedi.
Saıys sharttary

İ kezeń. Sóz óneri.
Zertteý: Taqyryp boıynsha ár top óz oılaryn ortaǵa salady.
1 top «Óner»
Halqymyzdyń qolóneriniń syry mol, órnegi ǵajap. Árbir oıýdyń izinde, árbir oıýdyń órneginde ulaǵat syr, tarıhy mol shejire bar. Ótken tarıh shejiresin biz búginde «Tehnologıa» páni arqyly bilip, zaman kóshine bilimimizben ilesip otyramyz. Shynaıy ónerdiń adamǵa áseri mol. Oıý - órnekter, syrly sýretter, qolóneri ulttyń naǵyz shynaıy, pák óneri.
2 top «İsker»
Ár halyqtyń ózine tán qolóneri bolady. Qazaq halqy da ózge ulttan asyl murasy, oıý - órnegi arqyly erekshelenedi. Árbir tekemet, syrmaq túrlerinen, alqa, syrǵa buıymdarynan oıy ushqyr, sezimi joǵary, qıaly tereń, talǵampazdyqty kóremiz.
3 top «Zerger»
«Ónerim – jaqsylardyń jan azyǵy» - dep ónerdiń rýhanı nárin halqymyz erekshe ataǵan. Talaı ǵasyrdan súrinbeı bizge jetken asyl muralardy berik qoıma, altyn sandyq oıymyzda saqtaýǵa tyrysamyz. Zergerlik óner – qoldanbaly kórkem shyǵarmashylyqtyń eń kóne túrleriniń biri. Bul óte názik te kúrdeli óner.
4 top «Asyl mura»
Qazaq oıý - órnekteriniń túrleri de, ataýlary da kóp. Oıý - órnek qazaq halqy qolóneriniń keń taraǵan túri bolyp tabylady jáne turmys tirshiliginde keńinen qoldanylyp, erte zamannan beri urpaqtan urpaqqa jalǵasyp kele jatqan kóne óner túriniń biri. Eger shynaıy yntamen úırenýge, túsinýge qulshynsańdar, óner tereńde jatqan tamyrlaryn, bıikte turǵan shynaryn alaqandaryna salady. Árıne, munyń ózi ózdiginen kelmeıdi. Erinbeı eńbektegen, oıy ushqyr, qıaly qanattylar ǵana jan - jaqty meńgeredi.

İİ kezeń. Maqal - mátelder óner, eńbek týraly jáne halyqtyq boljamdar men tıym sózder.
1. «Óner» toby: Óner týraly maqal - mátelder:
1. Sheber kóp jerde - óner kóp.
2. Oıýdy oıa almaǵan – oılanbaǵan.
3. Oısyzdan oıýshy shyqpaıdy.
4. Bilmegen nársedi surap alýdy ar kórme,
Adam surap bilmese, eshteńe úırenbeıdi.
2 top «İsker» toby: Eńbek týraly maqal - mátelder:
1. Eńbek erlikke jetkizer,
Erlik eldikke jetkiz.
2. Eńbektiń nany tátti,
Jalqaýdyń jany tátti.
3. Eńbek etseń erinbeı,
Toıady qarynyń tilenbeı.
4. Kóz qorqaq,
Qol batyr.

3. «Zerger» toby: Tıym sózder.
Qazaq halqynyń tabıǵatty qorǵaý, úlkendi syılaý, maldy aıalaý jaıyndaǵy úlgi - tárbıe quraldarynyń biri – tıym sózder bolǵan.
1. Qarlyǵashtyń uıasyn buzba!
2. Qus balapanyna, jumyrtqasyna tıme!
3. Mal kógenin attama!
4. Bos besikti terbetpe!
4 top «Asyl mura» toby: Halyqtyń tabıǵatty boljaýlary:
1. Aspanda juldyzdar kóp bolsa, kún jyly bolady.
2. Qys qarly bolsa, jaz jańbyrly bolady.
3. Mysyq mıaýlap úıden qashsa, jer silkinedi.
4. Sıyr egiz tapsa, jut bolady.

İİ kezeń. Qol óneri
1. «Óner». Kıimdi sándeýde – sánniń eki túri bar: tehnıkalyq jáne kórkemdik sán. Kórkemdik sánmen kórkemdeýshi sánger aınalysady. Tehnıkalyq sándeý – sándi eskız, sýret, foto boıynsha shyǵarý. Onymen ınjener – konstrýktorlar aınalysady.
2. «İsker». Sán - ólshem, tásil, is – qımyl beınesi. Sán belgili bir talǵamnyń, ýaqytsha ústem bolýy. Kıim birinshi qajetti zat. Sándeý bul kıimge qosymsha ásemdik berý maqsatynda qoldanylady.
3. «Zerger». Kıimderdiń qoldanylýyna, ony kıý mezgiline qaraı qoıylatyn talaptar da ár túrli. Kúndelikti kıetin kıimderdiń matasy jýǵanda tartylyp, kishireıip qalmaıtyn, jipteri ydyraıyp ketpeıtin tózimdi bolýy kerek. Al toı - tomalaq, sán - saltanatqa arnalǵan kıimderdiń matasyna mundaı talap qoıylmaıdy.
4. «Asyl mura». Kıimde birneshe klasıkalyq, romantıkalyq, sporttyq, fólklorlyq stılder bolady. Klasıkalyq stıl kelisti, iskerli, elegantty, ózgermeıtin stıl. Sán - áleýmettik qubylys. Ýaqyttyń ótýi barysynda sándeýdiń keıbir túrleri qaıtalanyp otyrady.
İİİ kezeń. Ádilqazylarǵa sóz beriledi.
İV kezeń. Baǵalaý.
V kezeń. Úıge tapsyrma.