InfoHub Logo

Jaılaý ústinde Maıbas bir qarıanyń úıine qonypty. Shaldyń qasynda jańa kótergen otaýy bar eken. El jatyp, biraz ýaqyt ótken soń, Mákeń dáret qysyp dalaǵa shyǵypty. Tún kózge túrtse kórgisiz qarańǵy eken. Mákeń uzaǵyraq baryp, qaıta kele jatyp, baıqaýsyzda otaýdyń aldynda jatqan kók tóbetti basyp ketipti. It «qańq» etip atyp ketkende, shoshyp qalǵan Mákeń tura qashamyn dep ketpenniń basyn basyp qalypty. Ketpenniń basy qaıyrylyp kelip Mákeńniń qulaq shekesine sart ete túsipti. Muny «ańdyp júrgen bireý soıylmen salyp qaldy» dep oılaǵan Mákeń:

— Aǵataı-aı, ózim júr edim, — dep eki qolyn tik kóterip ketpenge tájim etipti. Sol kezde adamnyń daýysynan ımenip, ornynan túregelgen bir sıyr «pish» ete túsipti. Bul úreıli Mákeńe beıne tónip kele jatqan adam sıaqty kórinipti, turysynan ári abyrjyp:

— Senseń dáretke shyqtym, bul úıdegi kelin meniń jaqyn qaryndasym bolady, — degen eken álgi dybys shyqqan jaqqa qarap.

 

---