InfoHub Logo

Ázilbaıdyń qalada turatyn bir tamyry bolypty. Bulardyń tanystyǵy onyń aýylyna kelýinen bastalsa kerek.

Ázilbaı aýzy qandaı ashyq bolsa, qoly da sondaı ashyq jan bolǵandyqtan, onyń ústine «jaqsy lepes, jarym yrys» degendeı tamyrynyń jaıly sózine rıza bolǵan Ázilbaı qolda bar mázirimen kútip jolǵa salypty. Biraq qalaǵa barǵan eki jolynda da Ázilbaı tamyrynyń sıyn kóre almapty.

Joly bolyp úshinshi ret qalaǵa túsken joly da Ázilbaı sonyń úıine túsipti. Kúnniń ystyǵy men oǵan qosyla joldyń shalǵaılyǵy Ázilbaıdy shóldetip jibergen eken. Ázilbaı esendi de kelte qaıyryp, kebersigen ernin jalanyp qoıyp sýsaǵan syńaı baıqatypty.

Biraq anany bir, mynany bir sózge aınaldyrǵan tamyry oǵan qozǵala qoımapty. Munyń naq «shyǵaıbaıdyń» ózi ekenine kózi jetken Ázilbaı ornynan kóterilip júre beripti.

— Qaıda barasyń? — degenniń ornyna álgi tamyry da Ázilbaıǵa ilesip úıden ere shyǵypty. Tamyrynyń úlken qaqpanyń aldyna shyǵara shyǵyp «asqa qaramadyń», «qonyp ketpediń» degen sıaqty sózderin qaıtalaı estigisi kelmegen Ázilbaı:

— Syrtqa shyqpaı-aq qoı, qaqpanyń aldynda aıtaryńdy osy jerde-aq aıtyp al, — depti ony eteginen tartyp toqtatyp.

---