InfoHub Logo

Ertede saýysqan men kókek bir ormandy mekendepti. Olar uıalary bolmaı, aǵashtyń butaqtaryn panalap kúneltipti. Kókek kúnde erte turyp alyp: «uıa kerek», «uıa kerek», — dep, kórshileriniń mazasyn ketiredi. Bir kúni saýysqan  kórshisine:

— Ekeýmiz  birigip uıa isteıik. Áýeli saǵan, sodan keıin maǵan salarmyz, — deıdi. Kókek:

— Meniń uıa salatyn qýatym da,  qarýym da joq. «Kerek, kerek» dep qaqsaı bersem, qustyń bári aǵaıynym, kóp bolyp kómektesip, uıa salyp berer,- dep kelispeıdi.

Saýysqan kókektiń kómegin kútpeı-aq, uıa salýǵa  kiristi. Ol uıasynyń qabyrǵalaryn jas butaqtarmen tasalap, berik etip órdi. Ony shymmen, ósimdik tamyrlarymen myqtap baılanystyrdy.İshi-tysyn saz balshyqtarmen sylady. Kishkene butaqtardan qurastyryp, shaǵyn qaqpaly esik jasady. Uıanyń astyna mamyqtan tósek tósedi. Al kókektiń «kerek, kerek» dep qaqsaı-qaqsaı daýsy qarlyǵyp, tili saqaý boldy. Ol keıingi jyldarda «kerek» degendegi r-dy aıta almaı, «kerek» deýdiń ornyna «kelek, kelek» deıdi. Sondyqtan jurt ony keketip «kókek» dep ataıtyn boldy. Sol kókektiń kúni búginge deıin ózimdiki degen uıasy da, úı-ishi de joq. Jumyrtqasyn kez-kelgen uıaǵa tabady, ony basqa qustar basyp, balapan shyǵarady. Shibıler jetim ósedi.

---