- 15 sáý. 2015 00:00
- 188
Suraǵan janǵa sálem aıt...
Suraǵan janǵa sálem aıt,
Bizden keıin qalǵan:
«Tezirek,– dep tur,– úıge qaıt»,
Ólim degen balýan.
Jardyń nuryn jarqyratyp,
Saldym eldiń aldyna.
«Mal emes»,– dep ketti shatyp,
Bolmady jan alǵan.
Ózimdi sókti dostarym:
«Aıtasyń,– dep,– jalǵan».
Kózi bar, mıy bostarym,
Nur almady jardan.
Súıtsem, olar – kereń, soqyr,
Kóz degenim – qara sý.
Qulaǵy – tas, uqpaı otyr
Júregi – muz, qardan.
Aıýanǵa altyn satam dep,
Aılandym men aqymaq.
Biri shóp, biri jemtik jep,
Ketti altyndy taptap.
Sopy ketti meshit jaqqa,
Týra joldan adasyp.
Kirip kettim men kabakqa
Taza araqty maqtap.
Aramnan azyq jegendi
Ala almadym aqtap.
Túsemin otqa degendi
Qala almadym saqtap.
Biri etimdi, biri túkti
Talap óńkeı aıýan,
Qýyp shyqty‚ kórge tyqty‚
Óltirdi eki jaqtap.
Qyzyrdyń máńgi sýlary –
Aldap aıtqan aılań.
Jarymnyń erin dymdary –
Jan beretin paıdam.
Mas bolyp ap tepkenimde
Eski dúnıe joq bolar.
Men aıyqsam, bar bop múlde
Aldap tur ol qaıdan?
Ómirden maqsut – haqıqat‚
Sony izdenip almaq.
Nápsige erip bolma mat‚
Ol seni otqa salmaq.
Ómir túbi ólim bolsa‚
Meıliń jyla‚ meıliń kúl.
Myń jyl saǵan Qydyr qonsa‚
Ol sýalyp qalmaq.
Bizden keıin qalǵan:
«Tezirek,– dep tur,– úıge qaıt»,
Ólim degen balýan.
Jardyń nuryn jarqyratyp,
Saldym eldiń aldyna.
«Mal emes»,– dep ketti shatyp,
Bolmady jan alǵan.
Ózimdi sókti dostarym:
«Aıtasyń,– dep,– jalǵan».
Kózi bar, mıy bostarym,
Nur almady jardan.
Súıtsem, olar – kereń, soqyr,
Kóz degenim – qara sý.
Qulaǵy – tas, uqpaı otyr
Júregi – muz, qardan.
Aıýanǵa altyn satam dep,
Aılandym men aqymaq.
Biri shóp, biri jemtik jep,
Ketti altyndy taptap.
Sopy ketti meshit jaqqa,
Týra joldan adasyp.
Kirip kettim men kabakqa
Taza araqty maqtap.
Aramnan azyq jegendi
Ala almadym aqtap.
Túsemin otqa degendi
Qala almadym saqtap.
Biri etimdi, biri túkti
Talap óńkeı aıýan,
Qýyp shyqty‚ kórge tyqty‚
Óltirdi eki jaqtap.
Qyzyrdyń máńgi sýlary –
Aldap aıtqan aılań.
Jarymnyń erin dymdary –
Jan beretin paıdam.
Mas bolyp ap tepkenimde
Eski dúnıe joq bolar.
Men aıyqsam, bar bop múlde
Aldap tur ol qaıdan?
Ómirden maqsut – haqıqat‚
Sony izdenip almaq.
Nápsige erip bolma mat‚
Ol seni otqa salmaq.
Ómir túbi ólim bolsa‚
Meıliń jyla‚ meıliń kúl.
Myń jyl saǵan Qydyr qonsa‚
Ol sýalyp qalmaq.