Ólmesin dep bergen ǵoı taýdy maǵan.
Men kúrsinsem, kúńirenip taý jylaǵan.
Kóńilimde bir quıyn kóterilse,
Taýlarymda turady qarly boran.
Alasartyp asýyn, ótkelderin,
Astyma ákep tóseıdi kók belderin.
Alyp taýdy besik qyp ósipsiń ǵoı,
Ǵumyrym, keremet eń netken meniń!
Terbetilip taýymnyń aıasynda,
Ósippin ǵoı shyrshanyń saıasynda.
Ómirsiz de kóńilsiz ókinishti,
Qoımaısyń ba, taǵdyrym, qoıasyń ba?
Álde, taǵy aldyma jaıasyń ba?
Taý meniń nesibime tıipti sırek,
Mendegi shattyq bólek, kúıik bólek.
Aqsaqaldar: - Taýdaı bol! -deıtin
Taýdaı bolǵym keledi, bıik kerek.

---